Ўзбекистон Халқ Ҳаракати

Тошкент йўлларини таъмирлашда ҳаракат хавфсизлиги таъминланмаяпти

Тошкент йўлларини таъмирлашда ҳаракат хавфсизлиги таъминланмаяпти
15 Mart 2014 - 14:03 'да юкланди ва 384 марта ўқилди.

Тошкент кўчаларида йўлларнинг ҳеч қандай эълон ва огоҳлантиришларсиз олиб борилаётгани авариявий ҳолатларга сабаб бўлмоқда, дея хабар бермоқда «Газета.uz».

Кунлар исиши билан Тошкентда йўлларнинг асфальт қопламасини таъмирлаш ва йўл чизиқларини янгилаш бўйича ишлар бошланди. «Ҳайдовчилар бундан, албатта, хурсандлар. Бироқ, йўл таъмирлаш ишлари йилдан-йилга ҳаракат хавфсизлиги қоидаларига зид равишда олиб борилаётганига тушунмаяптилар», – дейилади интернет-нашр хабарида.

Ўзбекистон ҳудудида амал қилувчи Йўл ҳаракати қоидаларининг 28.9-бандига кўра, «Йўлларда таъмирлаш ишларини бажаришга жавобгар мансабдор ва бошқа шахслар ишлар олиб борилаётган жойда йўл ҳаракати хавфсизлигини таъминлашга мажбурдирлар».

«Бундай жойлар, шунингдек, йўлдан ташқарига олиб чиқиш имконияти бўлмаган иш бажармаётган йўл машиналари, қурилиш материаллари, қурилма ва шунга ўхшашлар тегишли йўл белгилари, йўналтирувчи ва тўсувчи мосламалар билан, сутканинг қоронғи вақтида ва етарлича кўринмаслик шароитида эса қўшимча қизил ёки сариқ чироқли ишоралар билан белгиланиши керак», – дейилади Қоидаларда.

«Таъмирлаш ишлари тугаллангандан сўнг йўлларда транспорт воситалари ва пиёдаларнинг хавфсиз харакатланиши таъминланган бўлиши керак», – дея қайд этилган ҳужжатда.

Ҳайдовчиларнинг аксарияти эса Тошкентда ушбу қоидаларга амал қилинмаётганини тасдиқлайди. Деярли ҳар бир ҳайдовчи йўлларда кутилмаганда пайдо бўлган асфальти олинган қисмларни кўриб, шошилинч тормозни босишга мажбур бўлган, кўплари эса – шундай чуқурчаларга катта тезликда тушиб чиққан.

yQwnSE13948763471043_b

 

Худди шундай ҳолат жорий ҳафтада Навоий кўчасида яна такрорланди. «Ўқувчиларимиз таъмирлаш ишлари ҳақида олдиндан огоҳлантирувчи эълонлар, тўсиқ ва белгилар йўқлигидан шикоят қилишган. Шундай огоҳлантирувчилар бўлганида эди, бунинг ёрдамида авариявий ҳолатлардан қочиб, тезликни пасайтириш ва қайта тизилиш мумкин бўларди. Куннинг қоронғи вақти учун чироқли ишоралар ҳақида эса гапирмаса ҳам бўлади», – деб ёзади интернет-нашр.

0clnx113948771058458_b

dPa1oL13948771060882_b

gccLgv13948771063307_b

3LNfXN13948771047974_b

EsXtOx13948771050365_b

P7CRFh13948771055953_b

Нашрнинг қайд этишича, шунга ўхшаш ҳолат шанба куни йўл чизиқлари янгиланган Мустақиллик кўчасида ҳам кузатилган. «Қуйидаги фотосуратларни юборган ўқувчининг сўзларига кўра, пластик конуслардан бошқа янги йўл чизиғидан огоҳлантирувчи ҳеч қандай огоҳлантирувчи белгилар йўқ эди. Ҳеч нарсадан шубҳа қилмай келаётган ҳайдовчи бу вазиятда тўғри конуслар олдида кутилмаганда тормозланишга мажбур бўлаётганди», – дейилади интернет-нашр хабарида.

7ia63T13948767759805_b

tWfrlF13948767761909_b

VEPDvn13948767753986_b

Газета.уз

 

 

 

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар