Ўзбекистон Халқ Ҳаракати

Алишер Навоий қитъалари (3)

Алишер Навоий қитъалари (3)
11 Şubat 2016 - 10:11 'да юкланди ва 1159 марта ўқилди.

alisher navoiy(Боши)

Алишер Навоий қитъалари ўта гўзал. Маънога тўла. Ўқиб қалб ҳузур қилади, гоҳо кўзлар ёшланади…

“Қитъа” сўзи парча, бўлак деган маънога эга. Фақатгина жуфт мисралари қофияланган ва арузнинг муайян вазнида битилган, ахлоқий-таълимий шеърлар қитъалардир.

Айтиб ўтиш жоизки, Навоийнинг соф исломий, тасаввуф йўлдаги бошқа шеърлари каби кўплаб қитъалари халқ кўзидан пана тутилади. Тўғри, китобларда чоп этилади, аммо бирор олим уларни ТВ, радио ёки бирор нашрда кенг омма учун шарҳ этмайди. Балки бир қарашда диний тушунчалар ярқ этиб кўзга ташланмайдиган ҳамда, энг муҳими, Каримов сиёсатига мослиниши мумкин бўлган шеърлар, хусусан, қитъалар ҳар йили такрорланади.

Яқин келажакда халқимиз чинакам эркни қўлга киритгач, Навоий хазинасидан тўлиғича баҳраманд бўлажак, иншаОллоҳ.

Қуйида Навоий ҳазратларининг қитъаларини насрий баёни билан тақдим этмоқдамиз.

Умид қиламизки, мутолаа онлари завқли кечажак, иншаОллоҳ.

ЎХҲ таҳририяти

***

Олтун, кумушга ҳирс манъиким, тутмоғи иликни қора қилур ва муҳаббати кўнгулни

Кўп олтун, кумуш сари қўл сўнмоғил
Ки, тутсанг кафингни қора занг этар,

Кўнгулда доғи майлини асрама
Ки, кўнглунгни доғи ҳамул ранг этар.

Мазмуни:
Олтин, кумушга ҳирс қўйиш мумкин эмас, уни тутмоқ қўлни қора қилади ва муҳаббати кўнгилни

Олтин, кумушга ҳадеб қўл чўзма, уни ушласанг, кафтингни қора занг қилади, кўнгилда яна олтин, кумушга муҳаббатни сақлама, чунки бу ҳам кўнгилни ўшандай қора қилади.

(Давоми бор)

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар
istanbul escort