Ўзбекистон Халқ Ҳаракати

Хайрулла Ҳамидов: Маҳаллийчилик

Хайрулла Ҳамидов: Маҳаллийчилик
23 Nisan 2016 - 10:42 'да юкланди ва 1542 марта ўқилди.

Xayrulla Hamidov

 

 

 

 

 

 

 

 

Маҳаллийчилик

Шартмикан маҳалла-маҳалла қилиб,
Юксак Она Юртни кичрайтишингиз?
Кулгимни қистатар, бир юртдан бўлиб,
Бири-бирингизни ажратишингиз…

Келинг, танқидимни бошлай Тошкандан:
Эй дўстим, кибрдан не сўзлар дединг?
Ахир, юз йил бурун ўзинг ҳам меҳмон –
Қўқон хонларига бож тўлар эдинг!

Бугун мезбон бўлсанг, ўхша мезбонга,
Бу юк-да ғурурга солмасин, дейман.
Бир куни айлансанг яна меҳмонга,
Роса қийин бўлиб қолмасин, дейман!

Водийлик дўстларим, ғалат феълингиз:
Наманганга ҳатто Андижони ёв…
Буёғини айтмай қўя қолайин –
Битта тоғ шунчалик бўлоларми ғов?

Бўлиниш, ажралиш шу қадар майда,
Қишлоқ-қишлоқ бўлиб шарафми тарқаш?
Самарқанду Урганч, Бухоро қайда,
Тошкандан уёғин десалар “сурқаш”…

Воҳа ҳам қолишмас, суҳбат пайтида
Пойтахт, водий деса кўзларда нафрат:
Тарих қайтиб келса яна бефойда –
Нодирабегимга берилмас шафқат!

Мозий қайтса, яна эшик ёпилгай –
Бобурни Самарқанд ҳайдайди яна,
Ўзга ватанлардан нажот топилгай…
Ва лекин бизларда йўқдир бошпана!

Хоразм замини – ҳамон ёт орзу,
Жалолиддин йиғлаб ҳануз беватан!
Болаларга таълим берилар ҳануз:
“Фақат шу Урганчни, де ватан…”

Ўтмиш ҳам шу эди, бугун ҳам шу, оҳ,
Чингиз бўлиб-бўлиб еганин эсланг.
Ёвуз бу хийлакор, бирлашса бу юрт
Енгилмас бир қўрғон, деганин эсланг!

Тарих чинқиради, тиклан, бирлаш, деб,
Қанча тарқоқ бўлсанг, шунча тез қулаш.
Бир-бирингга ҳасад уруғин экиб,
Жонга тегмадими “сен фалончи”лаш?!

Шахсан менинг ўксук жонимга тегди,
Дардимни сўйлайин ўзбекчасига:
“Илтимосим шулки, аломонликдан
Чиқайлик бир миллат даражасига!!!”

Манба: Facebook ижтимоий тармоғи

Etiketler :
Хабарга ўз изоҳингизни қолдиринг

 Ушбу хабарга қолдирилган изоҳлар

( 2 Yorum )

  • Suxrob ;

    Turkiston g’oyasi amalga oshmaydigan g’oya… Millatchilik azaldan urug’ va aymoqlar qoniga singib ketgan. shu sababli siz aytayotgan fikr bitta davlat yoki millat darajasida hal bulmaydi. Mahalliychilikni tugatish uchun insonlar ongini o’zgartirish kere

    25/04/2016 08:45
  • Sanjarbek ;

    Faqat yaxlit Turkiston g’oyasi, madaniy va tarixiy birligimizni anglash bizni kuchli siyosiy millat darajasiga olib chiqadi.

    23/04/2016 18:16
Сўнгги хабарлар
Ўхшаш хабарлар
istanbul escort