Ўзбекистон Халқ Ҳаракати

Бухоро вилоятининг Вобкент туманидаги мактаб ўқувчилари пахта теримига сафарбар этилган

Бухоро вилоятининг Вобкент туманидаги мактаб ўқувчилари пахта теримига сафарбар этилган
26 Ekim 2016 - 10:42 'да юкланди ва 2634 марта ўқилди.

“Озодлик” радиосининг хабар беришича, Бухоро вилоятининг Вобкент туманидаги аксар мактаб ўқувчилари пахта теримига сафарбар этилган. Ота-оналар ва ўқитувчиларнинг айтишларича, олтидан юқори бўлган синфларда дарслар таққа-тақ тўхтаган ва об-ҳаво совуқ бўлишига қарамасдан ўқувчилар мажбуран пахта теримига чиқарилган.

Вобкент туманининг 5, 35-мактабларида юқори синфлар учун ўқиш тўхтатилди.

Ўқувчилар мактабга эрталабдан сўмкалари билан эмас, балки эски устивош ва пахта терадиган фартукларда келмоқда.

Тумандаги 5-умумтаълим мактабининг исми сир қолишини сўраган ўқитувчисига кўра, ўқувчиларни пахтага тақсимлаш мактабдан бошланяпти:

“Уч кун бўлди, дарсларга отбой берилганига. Ўқувчилар эрталаб соат 8да мактаб ҳовлисида йиғилади. Кейин фермер хўжаликларига тақсимланади. Ўқитувчи бош бўлиб далага олиб кетади. Болалар абедларини ўзлари билан бирга олиб келишади”, деди ўқитувчи.

Унинг айтишича, ҳаво совуқлигига қарамасдан болалардан пахта теримига чиқиш талаб қилиняпти:

“Сўнгги кунларда ёмғир ёғиб ҳаво жудаям совиб кетди. Далада пахтанинг ўзи қолмаган. Ўқувчилар қўллари музлаб, ҳали очилмаган кўсакларни чувиб пахта теришга мажбур бўлмоқда”, деди ўқитувчи.

Яна бир ўқитувчининг айтишича, болалар каникул пайтида ҳам дам олмайдиган бўлди:

“Албатта, анча дарслар қолиб кетади. Лекин халқ таълими бўлими мудири қолган дарсларни каникуллар пайтида ўтишимизни директоримизга айтибди. Ўқувчиларни чиқариш ҳақидаги буйруқ ҳоким томонидан бўлган экан. Директорларга оғзаки буйруқ берибди”, деди ўқитувчи.

Ўзини Вобкент тумани ҳокимининг ёрдамчиси Шерзод деб таништирган мулозим мактаб ўқувчиларининг пахта теримига чиқарилаётганини на инкор қилди, на тасдиқлади:

“Бундан менинг хабарим йўқ”, деб гапни қисқа қилди мулозим.

Ўзбекистон Бош вазири Шавкат Мирзиёевнинг мактаб ўқувчиларини пахта теримига жалб этмаслик борасидаги фармойиши бўлишига қарамасдан, Ўзбекистоннинг турли вилоятларида ўқувчиларни пахта теримига жалб қилиш ҳолатлари кузатилмоқда.

Ўтган ҳафтада Қашқадарё вилояти Нишон туманида бир неча мактабнинг 5-9 синф ўқувчилари пахта теримига ҳайдалгани ҳақида “Озодлик” радиоси хабар қилган эди.

ЎХҲ хабарлар бўлими

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар
xxx video gratis porno italiano
paykasa instagram takipi hilesi instagram followers free followers ak bys ak etme bys shell indir php shell hacklink hacklink al hacklink satn al denizli escort tempobet giri altanya escort bayan ankara escort bayan maltepe escort umraniye escort eskiehir escorteskiehir escort eskiehir bayan escorteskiehir escort

rokettube