Менинг дамим ичимда, ҳамон

Менинг дамим ичимда, ҳамон
9 views
12 November 2016 - 5:00

Бек Мурод

Йиллар азоби

Тўқсонинчи йиллар шеърияти

Бардош

Эсиб ўтди, йиллар шамоли,
Чинор бўлди суқилган таёқ.
Учди, неча юлдуз сизиб қон,
Увол кетди, бўлолмай маёқ.

Субҳидамни қутламоқ учун,
Юз кўрсатди ҳар тонгда зуҳро.
Қуёш ҳар кун шарқдан бош тиклаб,
То ғарбгача, куйлади, бурро.

Менинг дамим ичимда, ҳамон,
Юрагимда занжирбанд, дардим.
Кўз косасин тешган ёшларни,
Тўйиб-тўйиб, бир ўзим ичдим.

Соқовдек “жим” ўтсам, жовдираб,
Тополмасам, дунёда йўлдош,
Не ҳам қилдим, бесамар жавраб,
Мен ўзимга тилайман, бардош…

* * *

(давоми бор)