Умрнинг баҳори, ўтди…

Умрнинг баҳори, ўтди…
5 views
03 December 2016 - 7:00

Бек Мурод

Йиллар азоби

Тўқсонинчи йиллар шеърияти

Эй нодон, қувонма…  

Эй нодон, қувонма, ўтган кунингга,
Кунимдан бир куни, кетди, деб йиғла.
Хотиринг шод бўлса, тушмас ёдингга,
Умрнинг баҳори, ўтди, деб йиғла.

Қўлларинг меҳнатга бормаган ҳар дам,
Ризқингга шайтонлар, шерикдир, ҳамдам,
Ҳунарли кишига яқинлашмас ғам,
Мавлондан ҳар тонгда кор сўраб, йиғла.

Йиғлаган кулади, вақти соатда,
Кўп кулган қоқилар, бўлса ҳам отда,
Лангарсиз, кечарлар бир кун сиротда,
Охират тадорин, орқалаб, йиғла.

Муродбек, умрингнинг ғарқ пишган боғин,
Совурма елларга, қилгин, ҳисобин,
Сотиб олмас, бўлсанг, Дўзах азобин,
Қайс кезган чўлларни, сўроқлаб, йиғла.

* * *

(давоми бор)