Ўзбекистон Халқ Ҳаракати

Ўзбекистонда МУХОЛИФАТСИЗ ўтаётган сайлов ҳақида

Ўзбекистонда МУХОЛИФАТСИЗ ўтаётган сайлов ҳақида
03 Aralık 2016 - 16:23 'да юкланди ва 2205 марта ўқилди.

БАЁНОТ

Биз эртага “сайлов” номи остида МУХОЛИФАТСИЗ ўтаётган тадбирни натижаси олдиндан маълум бўлган бир сиёсий фирибгарлик дея баҳолаймиз. Бу сохта “сайлов” мавжуд ҳукуматнинг сўнгги 27 йил давомида ўзбек халқини ёлғон ва давлат террори билан бошқариб келган каримов режими давомчиси эканининг очиқ ифодасидир.

Бу сайловга кузатувчилар юборган давлатлар Ўзбекистонда ижобий ўзгаришларни нафақат кутмаётган, балки буни истамаётган давлатлар десак, бу муболаға бўлмайди. Улар ўзларининг иккиюзли сиёсати билан Каримов диктатурасини қандай қўллаган бўлсалар, унинг вориси бўлмиш, эртага “сайланадиган” шахс диктатурасини ҳам худди шундай изчиллик билан қўллашига шак-шубҳа йўқдир.

Ўзбек халқи сўнгги чорак аср давомида бу ички ва ташки сохтакорликлардан олган тажрибасига таяниб, бу ўйинни бузади деган умиддамиз: сайловчиларни бу сайловни бойкот қилишга, унда иштирок этмасликка ва ёки бюллетендаги бутун номзодларни устидан чизиб ташлашга даъват этамиз.

Ҳурматли сайловчилар, 27 йил давом этган бу масхарабозликка қарши чиқинг, золимларнинг устингиздан кулишига изн берманг, нопмусингизни ҳимоя қилинг!

Бугун сизнинг номусингиз – ҳур овозингиздир!

Овозингизни кушандангизга берманг!

ЎЗБЕКИСТОН ХАЛҚ ҲАРАКАТИ

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар