Ўзбекистон Халқ Ҳаракати

Ўзбекистон келажаги учун қайғурган сиëсатчи Ҳайдар Жамол вафот этди

Ўзбекистон келажаги учун қайғурган сиëсатчи Ҳайдар Жамол вафот этди
05 Aralık 2016 - 21:14 'да юкланди ва 1415 марта ўқилди.

Россия Ислом қўмитаси раиси Ҳайдар Жамол 4 декабрь куни 69 ëшида Олмаота шаҳрида оламдан ўтди. У “Ўзбекистон Халқ ҳаракати” кенгаши аъзоси сифатида бу ташкилотнинг Берлин ва Прагадаги қурултойларида иштирок этган ва Ўзбекистондаги демократик ўзгаришлардан умид билдирган эди.

Бундан 4 йил олдин Ҳайдар Жамол Прагада Озодлик билан суҳбатлашиб, Ўзбекистонда мустабид режим узоқ қола олмаслиги ва яқин йилларда ўзгариш бўлажагини айтган эди.

Ҳайдар Жамолга кўра¸ халқаро ҳамжамият Ўзбекистондаги конституция бузилишлари ва тазйиқларни етарлича қораламагани қўрқув муҳитининг устивор бўлишига сабаб бўлган.

Жамол Россиядаги “Левий фронт” асосчиларидан ва “Норозилар марши” намойишларининг иштирокчиларидан бири эди.

Марҳум 2010 йилда рус мухолифатининг “Путин кетиши керак”, деб номланган мурожаатини имзолаганлардан бири бўлган.

Уни яқиндан билган ўзбек мухолифати арбоби Муҳаммад Солиҳга кўра¸ Ҳайдар Жамол узоқ давом этган саратон касаллигидан сўнг вафот этди.

РТР телеканалида “Минг бир кун” телекўрсатувларини олиб борган ва ислом тўғрисидаги олтита китобнинг муаллифи Ҳайдар Жамол, васиятига кўра, Олмаота яқинидаги қабристонга дафн қилинади.

Манба: ozodlik.org

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар