O’zbekiston Xalq Harakati

Xalqaro tashkiloti Mirziyoevni repressiv siyosatdan voz kechishga chaqirdi

Xalqaro tashkiloti Mirziyoevni repressiv siyosatdan voz kechishga chaqirdi
09 Aralık 2016 - 11:10 'da yuklandi va 2566 marta o'qildi.

“Ozodlik” radiosining xabar berishicha, Civil Rights Defenders xalqaro tashkiloti 8 dekabr' kuni Shavkat Mirziyoevni Islom Karimovning inson huquqlari sohasidagi repressiv siyosatini davom ettirishdan voz kechishga chaqirgan.

Tashkilot bayonotida aytilishicha, Mirziyoev birinchi qadam qatorida qamoqlardan jurnalistlar va huquq faollarini ozod etishi lozim.

Civil Rights Defenders bayonotida ozod etilishi shart bo'lgan shaxslar qatorida Azam Farmonov, Agzam Turgunov, Matluba Komilova, Muhammad Bekjon, Solijon Abdurahmonov, Yusuf Ro'zimurodov, Dilmurod Sayyid va boshqalarning nomlari qayd etilgan.

Tashkilot Mirziyoevni mamlakatni tark etishga majbur bo'lgan xalqaro jurnalistlarni va huquq faollarini O'zbekistonga qaytarishga chaqirdi.

Civil Rights Defenders 4 dekabrda o'tgan prezidentlik saylovlarini matbuotda tanqidiy fikrlar bildirilmagani va real muxolifat vakillari ishtirok etmagani tufayli demokratik deb baholab bo'lmasligini ta'kidlagan.

Bosh qarorgohi Shvetsiya poytaxti Stokholmda bo'lgan Civil Rights Defenders tashkiloti 1998 yilda tashkil etilgan. Tashkilot Shvetsiya Xel'sinki qo'mitasi degan nom bilan tanilgan.

O'XH xabarlar bo'limi

Etiketler :
Xabarga o'z izohingizni qoldiring

So'nggi xabarlar
O'xshash xabarlar
istanbul escort