Ўзбекистон Халқ Ҳаракати

Ўзбекистонга ўтказилаётган пул миқдори 11,18 фоизга камайган

Ўзбекистонга ўтказилаётган пул миқдори 11,18 фоизга камайган
19 Aralık 2016 - 12:42 'да юкланди ва 3648 марта ўқилди.

“Озодлик” радиосининг хабар беришича, жорий йил учинчи чорагида Россиядан Ўзбекистонга ўтказилган пул ўтказмалари ҳажми 644 миллион долларни ташкил этди. Бу ўтган йилнинг шу даврига нисбатан 11,18 фоизга камдир.

Россия Марказий банки маълумотларига кўра, учинчи чоракда Россиядан Ўзбекистонга ўтказилган бир транзакция миқдори ўтган йилнинг шу даврига нисбатан 6 долларга камайган.

Жорий йилнинг биринчи чорагида Ўзбекистонга Россиядан 256 миллион доллар, иккинчи чорагида эса 474 миллион доллар ўтказилганди. Ваҳоланки, 2015 йил биринчи чорагида Россиядан Ўзбекистонга 463 миллион доллар, иккинчи чорагида эса 686 миллион доллар ўтказилган.

Россия Марказий банки бу пуллар Anelik, BLIZKO, Contact, InterExpress, UNIStream, Western Union, Колибри, Золотая Корона, ЛИДЕР, Россия почтаси каби тизимлар орқали ўтказилганини қайд этади.

ЎХҲ хабарлар бўлими

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар