Ўзбекистон Халқ Ҳаракати

Беш сўм пул деб…

Беш сўм пул деб…
13 Mart 2017 - 6:00 'да юкланди ва 751 марта ўқилди.

МАХДУМҚУЛИ

Биринчи китоб

Тўн бўлса

Тан ёпмоққа кўйлак истар яланғоч,
Кўйлакли дер; воҳ, устидан тўн бўлса!
Беш сўм пул деб, Ҳақдан сўрар қорни оч,
Бешни топса, орзу этар – ўн бўлса!

Кимлар бордир, торта-торта ҳасратни,
Узоқ сафарларга шайлар давлатни,
Кимлар бордир, топса яроқни, отни,
Орзу этар, муқт туганмас нон бўлса!

Кўп мол топиб, агар бўлса кўнгли шод,
Гўзаллардан маҳбуб истар, ҳам авлод,
Бу давлат ҳам бино бўлса, одамзод –
Кўнгли истар мамлакатга хон бўлса!

Ҳам хон бўлса, ҳам дунёси той бўлса,
Ҳам ўлмаса, ҳам асбоби шай бўлса,
Ҳам бермаса, ҳам ҳисобсиз бой бўлса,
Ҳам “яхши” деб, ёлғончида донг бўлса!

Махдумқули, тортиб душман таънасин,
Мард улдирки, ғамга бермас сийнасин,
Ер юзи тўлдирмас кўзнинг хонасин,
Қорун каби чандон ғазнанг кон бўлса!

*****

(давоми бор)

Туркманчадан Мақсуд Қурбон ўзбекчалаштирди

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар