Ўзбекистон Халқ Ҳаракати

Тирикликнинг шон-шуҳрати…

Тирикликнинг шон-шуҳрати…
26 Mart 2017 - 8:00 'да юкланди ва 1482 марта ўқилди.

Бек Мурод

Йиллар азоби
Тўқсонинчи йиллар шеърияти

Ваъдаларнинг вафоси йўқ…

Ваъдаларнинг вафоси йўқ, сафо керакмасму, сенга?
Вафо аҳлига йўқ вафо, вафо керакмасму, сенга?
Ишқнинг ярасидан ситам, жафо керакмасму, сенга?
Ўткунчининг ғамларига даво керакмасму, сенга?
Жовидоннинг боғларидан маъво керакмасму, сенга?

Тирикликнинг шон-шуҳрати – ишқи муҳаббатлар аро,
Ҳар умрнинг созлари хуш, меҳру оқибатлар аро,
Ошиқликнинг ошар қадри, соз ила суҳбатлар аро,
Васли шиддат юлдуз қадар, нозлар илтифотлар аро,
Тилларингни шакар қил, ёр, ҳалво керакмасму, сенга?

Сенсиз боғнинг булбули йўқ, сенсиз қизил гул не керак?
Гуллар узра, қўниб учган, сенсиз ҳол, булбул не керак?
Қулоғимга танда қўйган, қуруқ ғулғули не керак?
Яратганга менинг каби ёниб-ўчмас, қул не керак?
Икки жаҳоннинг хожаси, Мавло керакмасму, сенга.

Эзгулик истасанг, магар, муҳаббатнинг бозори бўл,
Лайлидек ўтларга солиб, кўнгилларнинг озори бўл,
Ошиқларни доғда қўйиб, боғларида гулзори бўл,
Аларни армонга қориб, икки дунё мозори бўл,
Ёмонлар ичра жон суви, авло керакмасму, сенга?

Муродинг ёнингдадур, сўра, ўзингдан арзу ҳол,
Ёноқларинг қизил олма, юзингда куйди икки хол,
Киприкларинг қайрар қилич, лабларингни мумлади бол,
Ваъдалар, ҳолинг кўриб, қолдилар тағин лолу лол,
Сукунатга қилсанг хуруж, имло керакмасму, сенга?

* * *

(давоми бор)

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар
istanbul escort