Ўзбекистон Халқ Ҳаракати

Бахилнинг кафтида хирмони бўлма

Бахилнинг кафтида хирмони бўлма
01 Nisan 2017 - 8:00 'да юкланди ва 1579 марта ўқилди.

Бек Мурод

Йиллар азоби
Тўқсонинчи йиллар шеърияти

Минг номардни йиғсанг…

Минг номардни йиғсанг, чиқмас битта мард,
Оғзи ола элнинг қурбони бўлма.
Йўлингда учраса, асил бир жўмард,
Ўзга бадасилнинг дармони бўлма.

Футувват аҳлининг будир, паймони,
Зўрга етишмоқдир, орзу армони,
Мард йигит юртининг чароғи, жони,
Юраксиз бекларнинг фармони бўлма.

Ҳеч замонда, эшак от бўлганми, айт?
Юз тулки йиғилса, шер бўлганми, айт?
Бир бўри минг итга мот бўлганми, айт?
Субутсиз шоҳларнинг даврони бўлма.

Бу дунёга келдинг, яхши от билан,
Муҳаббатинг бутла, паризод билан,
Жангларда тенг келса қурбинг мард билан,
Ноҳақнинг ҳеч замон қалқони бўлма.

Моли кўп деб нокасларга илинма,
Бир бош учун золимларга эланма,
Мурод каби оч қолсанг ҳам тиланма,
Бахилнинг кафтида хирмони бўлма.

* * *

(давоми бор)

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар
istanbul escort