Ўзбекистон Халқ Ҳаракати

Зулм ишлар жаҳонда

Зулм ишлар жаҳонда
12 Nisan 2017 - 8:00 'да юкланди ва 852 марта ўқилди.

МАХДУМҚУЛИ

Биринчи китоб

Кечди деб йиғларман

Эй, ёронлар, умримдан
Кечди, деб йиғларман.
Кетди ақлим бошимдан,
Кетди, деб йиғларман.

Кетган келмас йўлиндан,
Ёмон кечмас феълиндан,
Диёнат эл қўлиндан,
Учди, деб йиғларман.

Ҳозир бизнинг замонда,
Ёмон сўзлар забонда,
Зулм ишлар жаҳонда,
Жўшди, деб йиғларман.

Бу айёмда баттоллар,
Юз тил бирла алдарлар,
Қани неча дилдорлар?
Ўтди, деб йиғларман.

Неча садо тенг-тўшлар,
Шайтон раъйини бошлар,
Юз буришиб қардошлар,
Қочди, деб йиғларман.

Кўринг, фалак ўйинин,
Узар оламнинг бўйнин,
Жононлар ер қўйнини,
Қучди, деб йиғларман.

Махдумқули, дер мардга,
Дунё банддир, тан парда,
Бошимни сонсиз дардга,
Солди, деб йиғларман.

*****

(давоми бор)

Туркманчадан Мақсуд Қурбон ўзбекчалаштирди

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар