Ўзбекистон Халқ Ҳаракати

Қадим алп ўзбексан, Ўғузхон наслинг…

Қадим алп ўзбексан, Ўғузхон наслинг…
07 Mayıs 2017 - 8:00 'да юкланди ва 1158 марта ўқилди.

Ислом Холбой

Йиллар азоби
Тўқсонинчи йиллар шеърияти 

Ўзбекистон

Қадим алп ўзбексан, Ўғузхон наслинг,
Гўрўғлибек, Бобур, Алпомиш аслинг,
Боғларинг тарк этмас, баҳорий фаслинг,
Мир Алишер чўққи, Бойқаро васлинг,
Меҳригиём, онам, жон – Ўзбекистон.

Темурбекдек жасур, ёвқур ўғлинг бор,
Улуғбек юлдузинг, қалбда чўғинг бор,
Қаторда Атилланг, зўр Қўрқутинг бор,
Сен Машраб, Шайбоний, юрак қўринг бор,
Қучоғинг мардларга кон – Ўзбекистон.

Пойтахтинг қадим Шош, мармар қалъадир,
Шаҳарлар ичинда кўркам, аълодир,
Қизларинг Нодира, гўзал, сарадир,
Ошиқлар етолмай, кўкси ярадир,
Томирларда мастон, хон – Ўзбекистон.

Дарёдайин қуриб, ўзани сувсиз,
Миллатлар ўтдилар, дунёда изсиз,
Сен тарих тахтидан тушмадинг, ҳаргиз,
От ўйнатиб келдинг, кеча ва кундуз,
Мардларнинг ризқ-рўзи дон – Ўзбекистон.

Мустақил байроғинг то рўзи маҳшар,
Юксакда ҳилпирар, қиммати ошар,
Устингдан қуёш ҳам зар, олтин сочар,
Аллоҳим, кўксингда маъданлар очар,
Ганжу хазинага кон – Ўзбекистон.

Шаънингга шеър битди, бир ўксик ўғлинг,
Бошига тож эрур нишонинг, туғинг,
Дунё айвонида юришиб овинг,
Тиз чўксин қаршингда душманинг, ёвинг,
Ўзбекнинг шаънида шон – Ўзбекистон.

                       Карвон қўнғироғи газетаси
                           №21 (146), 23.05.2013.

* * *

(давоми бор)

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар