Ўзбекистон Халқ Ҳаракати

Табассум учун сўнгги имкон

Табассум учун сўнгги имкон
17 Mayıs 2017 - 8:00 'да юкланди ва 1061 марта ўқилди.

Ислом Холбой

ХАЁЛ ЕТМАС МАНЗИЛЛАР

Табассум учун сўнгги имкон

1
Кўзойнакдан ечиб, кўзларни бир дам,
Телпакдек олайин, елкамдан бошни.
Ғалвалардан бездим, чарчадим, бирам,
Улар ҳам кўрсинлар, мен кўрган тушни.

2
Ғийбатга дум бўлди, бир куни шов-шув,
Қуюқ кулранг туман тутди дунёни.
Бўри ит бўлди-да, итлар тортди ув,
Жинлар босиб кетди, бийдек саҳрони.

3
Вагонлардек қисқа умр ичинда,
Кафтда китоб ушлаб, ҳечам чарчаманг.
Релес бўлиб сунинг кўҳна очунда,
Дарёлардек шошинг, елдек очқаманг.

4
Телефон қанчалар, беминнат дастёр…
Унга дард айтади яхши ва ёмон.
Қанча юк бўлмасин, тортишга тайёр,
Бунингдек ҳаммолни кўрмаган жаҳон.

Бир жойдан жилмасдан битта дастакда,
Сирлар сандиғига босади қулоқ.
Қизларнинг лаблари қулоқларида,
У дилдан дилларга оқгувчи булоқ.

5
Қайиси маконда яшайди оғриқ?
Суратини чиза олурми, вужуд?
Таассуротлар магар шунчалар димиқ,
Демак-ки, оғриқнинг шакли ҳам мавжуд.

Таассуротлар совуқ бўлса ҳам барбир,
Оғриқни чеккага чиқариш қийин.
Дардларсиз, яшашлик – бўшлиқдек долғир,
Оғриқ хумор этар, улғайган сайин.

6
Бобом қурган бино қартайиб қолди,
Изғиринни аввал қилмасди писанд.
Йиллар бўронида, карвондек толди,
Оддий шабада ҳам, энди унга дард.

Эҳ-э, нималарни кўрмади, бу уй,
Чивинларга қалъа бўлди тўрт девор.
Кимлар, бунда йиғлаб, кимлар чалди куй,
Энди унинг ўзи, тузалмас бемор.

7
НУЖга қизиқсиниб қараган каби,
Маймунни томоша қилди одамлар.
У ҳам одамларга тикилди, ғамли,
Одамдан тарқаган, дея маймунлар.

Қалбини бир зумда, қоплади нафрат,
Кафтига тикилди, маймун узоқ вақт,
Қўли тоза эди юқмаганди гард.
Одамзот – қизил қон ичида, хилқат.

8
Ясамаликни яширадиган аччиқ табассум,
Бир кун эмас бир куни лабларда қотиб қолажак.
Сохтакорликлар табиийликни қилганидек гум,
Чин арафа ёлғонларни кафанларга солажак.

* * *

(давоми бор)

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар