Ўзбекистон Халқ Ҳаракати

“Юртинглар қандай?”

“Юртинглар қандай?”
30 Mayıs 2017 - 8:00 'да юкланди ва 746 марта ўқилди.

Алихонтўра Соғуний

ТАРИХИ МУҲАММАДИЙ — 168
(давоми)

ЗИ МУРРА ЭЛЧИЛАРИ

Зи Мурра қабиласидан ўн уч киши элчи бўлиб, Мадинага келдилар.

Бошчилари эрса Ҳорис ибн Авф деган киши эрди.

Ундан Расулуллоҳ:

— Юртинглар қандай? — деб сўрадилар.

Анда ул:

— Дуо қилинг, Ё Расулаллоҳ, йил қуруқчилик келди. Қаҳатчилик бошланиб, чорва молларимиз қирилди, кўп оғирчиликлар кечирмакдамиз, — деди.

Анда Расулуллоҳ соллаллоҳу алайҳи васаллам қўл кўтариб:

— Эй бор Худоё, буларнинг ерларига раҳмат ёмғирини ёғдиргил, — деб дуо қилдилар.

Бир неча кун туришгандан кейин элчиларнинг ҳар бирларига ўн уқия кумуш, раисларига ўн икки уқия кумуш ҳадя бериб, қайтмоққа рухсат қилдилар.

Ўз ерларига келсалар, ёмғирлар ёғиб қаҳатчиликлар кўтарилмишдир. Ҳисоб қилиб кўрсалар, нақд Расулуллоҳ соллаллоҳу алайҳи васаллам дуо қилган вақтда ёғмишдур.

(давоми бор)

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар