Ўзбекистон Халқ Ҳаракати

Агар каминанинг бошлари

Агар каминанинг бошлари
11 Kasım 2017 - 5:00 'да юкланди ва 479 марта ўқилди.

«ҚУДУҚДАГИ ОЙ» КИТОБИДАН

 

 

АГАР КАМИНАНИНГ БОШЛАРИ

Агар каминанинг бошлари
Оғир бўлмасайди бунчалик,
Қарғаники каби, ҳеч бўлмаганда,
Енгилроқ бўлсайди, мабодо,
Уч юз йил яшаган бўлар эди у.

Барча яхшиликлар,
Барча хўрликлар,
Барча хонликларни жим кўриб турган
Исломхўжа минорининг бардоши каби
Чидам бўлса эди каминангизда,
У кўпроқ яшарди қарғалардан ҳам.

Агар каминанинг бетлари
Ўша миноранинг тагида юрган
Эшак терисидай қалин бўлсайди,
Шубҳасиз, яшаган бўларди
Барча эшаклардан афзалроқ.
1976

(85)
Муҳаммад Солиҳнинг 2013 йилда Истанбулда чоп этилган “Вал-Фажр” китобидан. (57-саҳифа.)

(давоми бор)

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар