Ўзбекистон Халқ Ҳаракати

Ўзбегим

Ўзбегим
11 Eylül 2018 - 17:03 'да юкланди ва 467 марта ўқилди.

ЎЗБЕГИМ

Бизларга ош бўлса бас ва қаламқош бўлса бас,
Отарга тош бўлса бас, бетайин жон ўзбегим.

Тўғри гапга тоқат йўқ, Тангрига садоқат йўқ,
Уйқудай фароғат йўқ – танбалистон ўзбегим.

Қочармиз гар иш деса, чопармиз миш-миш деса,
Холимиз танг қиш кеса – хонавайрон ўзбегим.

Ёнида бир чақа йўқ, эшагида тақа йўқ,
Ариғида бақа йўқ – бироқ хоқон ўзбегим.

Соқолин кўрким дейди, салласин бўрким дейди,
Кеккайиб: “Зўр – ким?!” дейди ҳамон нодон ўзбегим.

Бойлар пойида гадо, балиқдай чиқмас садо,
Ҳануз гадодай адо – юраги қон ўзбегим.

Кўтариб бор нозини, семиртириб ғозини,
“Отам!” дейсан қозини – ёвга қурбон ўзбегим!

Устамиз май ичишга, Машрабларни бичишга,
Кўп еб ҳам кўп чи*ишга – моҳир мастон ўзбегим.

Топгани тўйга кетар, теракдай бўйга кетар,
Хўкиз ва қўйга кетар – қассоб-деҳқон ўзбегим.

Бисёр тилло-кумушинг, бироқ ғариб турмушинг,
Унмас сира юмушинг – мулки толон ўзбегим.

Амал бериб ўғрига, кун бермайсан тўғрига,
Замоннинг тўриғига – дону сомон ўзбегим.

Эртаю кеч пул дейсан, пулдан ўзга кул дейсан,
Қачон илм – гул дейсан, сароб сарсон ўзбегим.

Хитой ёқар газингни, ўрис ейди қазингни,
Кетингга сур мазингни – бахти гумон ўзбегим.

Гар метиндан эшигинг, ҳамон толдан бешигинг,
Ёпилмас ҳеч тешигинг – нафси ўпқон ўзбегим.

Далангни пахта босган, юртингни ахта босган,
Босқинчи вахта босган – қадди камон ўзбегим.

Билмайсан ҳеч бўлишни, ой сингари тўлишни,
Ўйламайсан ўлишни – шайтонсимон ўзбегим.

Сенга тўртта хотин кам, ҳатто тўртта отин кам,
Билар хотин зотин кам – йиртиқ иштон ўзбегим.

Порахўр – балохўрсан, йиртқич ҳирсдан ҳам зўрсан,
Сўлақмон сўқир кўрсан – қонхўр сиртлон ўзбегим.

Қонинг ичар султонлар, балогардон ултонлар,
Ғафлатга ботган онлар – лолу ҳайрон ўзбегим.

Сендан ортиқми фаранг, япон – бахти ранг-баранг,
Қозонинг қайнар аранг – ранги сомон ўзбегим.

Тобакай хароб холинг, ким ўйламас иқболинг,
Тутсин, халқим, уволинг – шоҳу султон ўзбегим!

Дини ислом дастур далқ, сен ҳам қаддинг кўтар, балқ,
Сен ҳам ахир бўлгин халқ, эй, онажон ўзбегим!

facebook.com

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар
istanbul escort