Ўзбекистон Халқ Ҳаракати

Мухолифат нима дегани

Мухолифат нима дегани
20 Ocak 2019 - 20:41 'да юкланди ва 678 марта ўқилди.

МУХОЛИФАТ НИМА ДЕГАНИ

Турк газетасидан бир мухбир савол беради:

“Агар сизга Ўзбекистонга қайтишга изн беришса ва ҳукуматга қарши мухолифат қилишга ҳам ижозат беришса, сиз Ўзбекистонга қайтармидингиз? Мухолифат ҳаракатини давом эттирармидингиз?

– Йўқ.

– Тушунмадим.

– Мухолифлик қилмас эдим.

– Кечирасиз, тушунмадим…

– Нимани тушмадингиз?

– Сиз 25 йил, чорак аср умрингизнинг энг маҳсулдор йилларини мухолиф фаолиятингиз учун сургунда ўтказдингиз. Сизни қотиллар уч марта ўлдирмоқчи бўлишди, дунё бўйлаб паспортсиз, қўним билмасдан, яна ёлғиз эмас, оилангиз билан саргардон кездингиз – булар ҳаммаси диктаторга қарши мухолифат қилганингиз учун эдику?!

Энди сизга ватанга чақиришиб, умрингизни бағишлаган бу ишга изн берилган тақдирда мухолифликдан воз кечаман деяпсиз. Мен буни тушунмаяпман!?

-МЕН ИЗН БЕРИЛГАН МУХОЛИФАТ БИЛАН ШУҒУЛЛАНМАЙМАН. МЕН МУХОЛИФАТ ТАҚИҚЛАНГАНДА МУХОЛИФАТ ҚИЛАМАН.МУХОЛИФАТ ҚИЛИШ ҲАЁТИЙ ТАҲЛИКА КАСБ ЭТГАНДА, МУХОЛИФАТИ УЧУН МУХОЛИФ ХАЛҚ ДУШМАНИ ЭЪЛОН ЭТИЛИБ, ЮРТИДАН ҚУВИЛГАНИДА ЁКИ ЎЛДИРИЛГАНИДА МУХОЛИФАТ ҚИЛАМАН.

МУХОЛИФНИНГ ҚАРИНДОШЛАРИНИ ФАҚАТ УНИНГ ҚАРИНДОШИ БЎЛГАНЛАРИ УЧУНГИНА ҚИЙНОҚҚА СОЛИБ, ҚАМОҚҚА ТАШЛАГАНЛАРИДА МУХОЛИФАТ ҚИЛАМАН.

ҚУРОЛСИЗ ВА ЁППА ЁЛҒИЗ ЭКАНМАН, БОР-ЙЎҒИ МУХОЛИФАТНИ ТАЪҚИҚЛАШЛАРИГА ҚАРШИ ЧИҚҚАНИМ САБАБ, МЕНИ ЯНЧИШ УЧУН БАҲАЙБАТ ДАВЛАТ МАШИНАСИ УСТИМГА ЮРАБОШЛАГАНИДА МУХОЛИФАТ ҚИЛАМАН.

МУХОЛИФЛИГИМ УЧУН ЮРТИМДА ИСМИМНИ ТАЛАФФУЗ ЭТИШ ЖИНОЯТ САНАЛА БОШЛАГАНИДА, ДЎСТЛАРИМ ДАВЛАТНИНГ ГАЗАБИГА УЧРАШДАН ҚЎРҚИБ, МЕНДАН ЮЗ ЎГИРГАНДА МУХОЛИФАТ ҚИЛАМАН..

ҲА, АГАР МУХОЛИФАТГА ТАЪҚИҚ БЕКОР ҚИЛИНСА, МУХОЛИФАТНИ ТАРК ЭТАМАН.

Муҳаммад Солиҳ

Расм СССР Олий Кенгаши депутатлигига номзодликка номзод кўрсатиш мажлисида чекилган.
Ўзбекистон ССР Қишлоқ Хўжалиги Вазирлиги биноси – 15.04.1989, соат Тошкент вақти билан 14.

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар
istanbul escort