Ўзбекистон Халқ Ҳаракати

Қарс чиқар

Қарс чиқар
27 Ocak 2019 - 6:00 'да юкланди ва 442 марта ўқилди.

 

МАХДУМҚУЛИ

     

 

ҚАРС ЧИҚАР

Ҳақиқат йўлини тутса дарвешлар,
Булбул оят ўқир, баргдан қарс чиқар,
Бошсиз тўда, қуруқ жанда кийганлар,
Шайтонга эш бўлар, йўли терс чиқар.

Арвоҳу ажина бор, номарду мард бор,
Қайғу бор, ғусса бор, йўл олис, дард бор,
Ушбу йўлга кирсанг, неча бир шарт бор,
Шартсиз йўлга кирсанг, йўлинг дарз чиқар.

Исрофил сур чалса, ер-кўк эгилса,
Шайтон сар-сар урса, тоғлар букилса,
Дажжол ерга инса, қўшин йиғилса,
Изи Ҳинда бўлар, ўнги Қарс чиқар.

Чилтон, абдол кетар, ғойиб қаландар,
Дуогўйлар қолмас, ҳамма дарбадар,
Қоф тоғининг ғорларида Искандар,
Дев йўлига қарши, неча гўрс (ғилдирак) чиқар.

Маҳдумқули айтар, бериб-олмасман,
Ишлар бордир, баржой этиб, кулмасман,
Эй, ёронлар, бу недандир, билмасман,
Хизр деб қўл урсам, фақат ҳирс чиқар.

*****

Туркманчадан Ислом Холбой ўзбекчалаштирди

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар
istanbul escort