Ўзбекистон Халқ Ҳаракати

Етмайин қолмас

Етмайин қолмас
04 Şubat 2019 - 6:00 'да юкланди ва 317 марта ўқилди.

 

МАХДУМҚУЛИ

     

ЕТМАЙИН ҚОЛМАС

Ихлос билан бир комилга қўл берган,
Етар бир манзилга, етмайин қолмас,
Дарё узра сузган, чўлларда кезган,
Дам ҳисобин тугал этмайин қолмас.

Чунки келдинг бу ёлғончи жаҳона,
Йўлингга қарамай, боқдинг осмона,
Фалак бозоринда ейдиган нонга,
Одам ўғли умрин сотмайин қўймас.

Ҳамдамим йўқ, бориб сирим очарга,
Дардим тўхташарга, ўтим ўчарга,
Дунё бир манзилдир, келиб-кечарга,
Бу манзилга келган, кетмайин қолмас.

Фалак – масхарабоз, гоҳ ёниб-ўчиб,
Одамзод мол учун роҳатдан кечиб,
Дунё бир аждарҳо, қора қон ичиб,
Жонли-жонсиз, барин ютмайин қолмас.

Маҳдумқули, бу дунёнинг давлатин,
Туғилдинг, тортасан ҳаёт заҳматин,
Мудом юритарлар ажал шарбатин,
Бу шарбатдан ҳеч ким тотмайин қолмас.

*****

Туркманчадан Ислом Холбой ўзбекчалаштирди

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар
istanbul escort