Ўзбекистон Халқ Ҳаракати

Боқа-боқа кетарсан

Боқа-боқа кетарсан
14 Şubat 2019 - 6:00 'да юкланди ва 642 марта ўқилди.

 

МАХДУМҚУЛИ

     

БОҚА-БОҚА КЕТАРСАН

Фонийдан боъқийга рихлат йўл бўлса,
Термуларсан, боқа-боқа кетарсан,
Ажал жомин суниб, ич-ҳо, ич бўлса,
Жон аччиғин, чека-чека кетарсан.

Ўғилларинг турар зору гирёна,
Ночорлар соч ёйиб, тушар ларзона,
Молинг тақсим бўлиб кирар талона,
Қўлинг ювиб, чиқа-чиқа кетарсан.

Мол учун инжитдинг, қардош-туққаннинг,
Оз кўрдинг зар-кумуш ҳар на топганинг,
Пойлашарлар, ҳаром-ҳалол йиққанинг,
Сен азобин, чека-чека кетарсан.

У дунёда сенга ким бўлар ғамдош?!
Нелар кўражакдир, бу шум қора бош,
Хайр қозон, бунда ёнингга йўлдош,
Йўқса, ёлғиз, бўка-бўка кетарсан.

Этагини тутгил, бунда аслнинг,
Билим кесар, оғусини ажалнинг,
Ақлинг бўлса, охиратнинг ҳосилин,
Бу дунёда эка-эка кетарсан.

Ҳар куни кўргизар, қудрат ишларни,
Ҳавода учирар темир қушларни,
Йигитлик қуввати эзар тошларни,
Қирқдан ошдинг, чўка-чўка кетарсан.

Ер юзида шиғил боғларинг бўлса,
От-яроғ, зар-зебар шайларинг бўлса,
Бозор тўла молинг, уйларинг бўлса,
Ғам лойига, бота-бота кетарсан.

Маҳдумқули, асир ишқ гузарида,
Сўзлашарга кимса йўқ назарида,
Ривож тополмади сўз бозорида,
Харидорсиз, тўка-тўка кетарсан.

*****

Туркманчадан Ислом Холбой ўзбекчалаштирди

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар
istanbul escort