Ўзбекистон Халқ Ҳаракати

Ихтиёр Абдуллаев ДХХ раиси лавозимидан кетгани хабар қилинди

Ихтиёр Абдуллаев ДХХ раиси лавозимидан кетгани хабар қилинди
11 Şubat 2019 - 12:17 'да юкланди ва 597 марта ўқилди.

“Озодлик” радиосининг хабар беришича, Ўзбекистон Давлат хавфсизлик хизмати раиси Ихтиёр Абдуллаев эгаллаб турган лавозимидан озод қилингани тўғрисида бир қатор маҳаллий нашрлар, хусусан, gazeta.uz ҳукуматдаги манбага таяниб хабар қилган.

Айтилишича, Абдуллаев ишдан саломатлиги туфайли кетган.

ДХХ раиси лавозимини собиқ Ўзбекистон мудофаа вазири генерал-лейтенант Абдусалом Азизов эгаллади.

Тошкент ҳарбий округи қўмондони Баҳодир Қурбонов мудофаа вазири этиб тайинланди.

Абдусалом Азизов (1960 й. т.) 2017 йил сентябридан Мудофаа вазирлигини бошқариб келаётган эди.

Ихтиёр Абдуллаев 2018 йил 31 январь куни ДХХга раҳбар бўлди. 2015 йилдан у Ўзбекистон бош прокурори, 2009 йилдан — президентнинг давлат маслаҳатчиси сифатида фаолият кўрсатган.

Генерал-майор Баҳодир Қурбонов мудофаа вазири этиб тайинлангунга қадар 2018 йил февралидан Тошкент шаҳри, пойтахт ва Сирдарё вилоятлари ҳудудини ўз ичига олган Тошкент ҳарбий округи қўшинларига қўмондонлик қилган. 2015 йил декабридан у ИИББ раҳбари сифатида фаолият кўрсатган.

ЎХҲ ахборот бўлими

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар
istanbul escort