Ўзбекистон Халқ Ҳаракати

Олий суд журналистлардан қасд олдими?

Олий суд журналистлардан қасд олдими?
13 Mart 2019 - 10:21 'да юкланди ва 687 марта ўқилди.

Ғайрат Бобожонов 50 ëшда. Шундан 25 йилини журналистикага бағишлади. Журналистик фаолиятини Ўзбекистон тарихидаги илк мустақил телеканалда 1994 йили бошлаган журналист тасвирчи Ғайрат Бобожонов мана 25 йилдирки, ҳукумат тазйиқларини кўп кўрди.

“Хавфли журналистика” деган китобда Ғайрат Бобожоновга қарши маҳаллий мулозимлар қилган тазйиқлар силслиласи батафсил акс этган. ББС нинг нюс найт дастури учун Хоразмда мажбурий меҳнат ҳақида лавҳа суратга олган. “Очиқ осиë” Франс 4 канали, Немис тўлқини¸ Озодлик каби нашрлар билан ҳамкорлик қилган Ғайрат Бобожонов сўз эркинлиги душмани бўлган маҳаллий мулозимлар тазйиғига учради. Унинг уйини тортиб олишди.

Ўзбекистон Олий суди судьяси Ж.Тиркашев хоразмлик журналистлар Бобожоновлар шикояти бўйича 1 февраль кунги суд ажрими билан уларнинг уйларини мусодара қилиш ҳақидаги суд ҳужжатини қайта кўриш учун асослар мавжуд эмас, деб топди.

Ж.Тиркашев суд ажримида журналистларга қарашли уйларнинг давлат рўйхатига олинмагани боис мулкларнинг давлат фойдасига мусодара қилиш қарорини қонуний деб топган.

Бироқ журналистларни ҳимоя қилаётган Тошкентдаги «Симай» адвокатлик бюроси вакили 13 февраль куни «Элтуз»га Олий суд ажрими ноқонуний эканини, мулкнинг давлат рўйхатига олинмагани уни тортиб олиш учун асос бўла олмаслигини билдирди.

«Бу, албатта, нотўғри ажрим. Биз бу юзадан Олий суд раисига шикоят аризаси билан мурожаат қиламиз», деди «Симай» адвокатлик бюроси вакили «Элтуз»га.

Урганч тумани суди журналистлар Шуҳрат, Қудрат ва Ғайрат Бобожоновларнинг Урганч туманидаги уйларини мусодара қилиш қарорини ўз кучида қолдириши ортидан 2018 йилнинг 5 декабрь куни журналистларнинг адвокати суд ҳужжатларини назорат тартибида қайта кўриб чиқиш юзасидан Ўзбекистон Олий судига мурожаат қилган эди. Хозир Стокголмда истиқомат қиладиган Қудрат Бобожонов буни ўзи бош мухаррир бўлган Элтуз нашрида МХХ ва ДХХ қилмишлари акс этган туркум мақолалар ортидан қилинган сиëсий ўч олиш деб ҳисоблайди.

2018 йилнинг 27 декабрида Урганч туманлараро фуқаролик суди судьяси Ўткир Машарипов журналист ака-ука Бобожоновларнинг уйини мусодара қилиш борасидаги ўзи чиқарган қарорни кучида қолдирган эди.

Судья Ўткир Машарипов ўз қарорига асос қилиб судга мурожаат этишнинг барча муддатлари ўтказиб юборилганини рўкач қилган.

«Симай» адвокатлик идораси вакили шу боис биринчи инстанция ва кассация тартибидаги судларни четлаб ўтиб, Олий судга назорат тартибида мурожаат қилган эди.

Журналист Қудрат Бобожоннинг сўзларига кўра, Олий суднинг бундай ажримига унинг «Элтуз» нашрида босилган МХХ ва ДХХ раҳбарлари кирдикорларига оид туркум мақолалари ва суриштирув фильмлари сабаб бўлган, айни мақолалар сабаб унинг тармоқдаги аккаунтлари очиқ таҳдид нишонига айланди.

«Уларнинг сўнггиси «ДХХ инқирози. Янги раҳбарият эски назоратини давом эттирмоқда» сарлавҳаси остида 2019 йилнинг 14 январида босилган, орадан 15 кун ўтиб – 1 февраль куни Олий суднинг ажрими чиқарилди», дейди «Элтуз» муҳаррири Қудрат Бобожон.

Унинг қўшимча қилишича, мақоладаги фактлар 8 февралга келиб тўлиқ тасдиқланди. ДХХ раиси Ихтиёр Абдуллаев ишдан олиниб, унга жиноят иши очилди. Ўнлаб ДХХ зобитлари қамалди.

11 февраль кунига келиб, Ихтиëр Абдуллаевнинг ўзи ҳам, «Элтуз» манбасига кўра, давлат тўнтариши қилишга уринишда гумонланиб қамоққа олинди.

2018 йилнинг 22 ноябрь куни «Озод Европа – Озодлик радиоси» (RFERL) нинг Вашингтондаги қароргоҳи маъмурияти бу амалнинг журналистлардан ўч олиниши экани ҳақида баëнот берганди. Хозир Прагада истиқомат қилаëтган журналист Шухрат Бобожонов уйи ноҳақ мусодара қилинганини ўз журналистик фаолияти боис Ўзбекистон расмийларининг қасд олиши деб бахолади.

Лавҳамиз қахрамони 50 яшар хоразмлик журналист маҳаллий мулозимларнинг сўз эркинлиги билан кураши Каримов давридан қолган анахронизм экани ва бундай мулозимлар янгиланаëтган Ўабекистон имиджини дунë жамоатчилиги кўз ўнгида тушираëтганига эътибор қаратади. Ғайрат Бобожонов Олий суд ажрими устидан Олий суд раисига шикоят қилишини билдирди.

Улуғбек Ашур

Манба: eltuz.com

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар
xxx video gratis porno italiano