Ўзбекистон Халқ Ҳаракати

Янги Зеландиядаги иккита масжидда отишма содир этилди. 27 киши ҳалок бўлди

Янги Зеландиядаги иккита масжидда отишма содир этилди. 27 киши ҳалок бўлди
15 Mart 2019 - 11:14 'да юкланди ва 623 марта ўқилди.

Янги Зеландиянинг Крайстчерч шаҳридаги иккита масжидда жума намозидан кейин содир этилган отишма оқибатида камида 27 киши ҳалок бўлди. Шифохоналарга 30 га яқин ярадор етказилди. Бу ҳақда Otago Daily Times нашри хабар берди.

Дастлаб отишма бир масжидда содир этилгани ва 6 киши яралангани маълум қилинган.

Дастлабки маълумотларга кўра, қуролланган кишилар маҳаллий вақт билан соат 13:45 да ёнма-ён жойлашган Ал-Нур ва Линвуд Масжидга бостириб кириб, чиқиш эшикларини ёпиб, намозхонларни ўққа тута бошлаган. Отишма содир бўлган вақтда масжидда мос равишда 200 ва 300 га яқин қиши бўлган.

Маҳаллий полиция босқинчилардан бири ушланганини маълум қилган. Полиция комиссари Майк Бушнинг таъкидлашича, шаҳарда бошқа босқинчилар бўлиши мумкин. Крайстчерч аҳолисига уйларини тарк этмаслик тавсия қилинган, мактабларда машғулотлар бекор қилинган.

The New Zealand Herald нашрининг маълум қилишича, босқинчилардан бири ҳужум олдидан интернетда 37 саҳифалик манифест эълон қилиб, унда ўз режалари ҳақида маълум қилган.

Шунингдек, бошқа маълумотларга кўра, шаҳарда автомобил портлаган.

Манба: kun.uz

Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар