Ўзбекистон Халқ Ҳаракати

Маҳмуд Ражаб уйида тинтув ўтказилди

Маҳмуд Ражаб уйида тинтув ўтказилди
10 Mayıs 2019 - 18:33 'да юкланди ва 845 марта ўқилди.

Ўзбекистондан олинган хабарларга кўра, шоир ва журналист Хоразмлик Маҳмуд Ражаб уйида бир гуруҳ давлат органлари ходимлари томонидан, бугун соат таҳминан 19:00 да тинтув бошланган.

Манбаларнинг айтишича, орган ходимлари ўзлари билан Урганч шаҳридан тинтув пайтида иштирок этиш учун холис гувоҳлар олиб келишган.

Маҳмуд Ражабнинг ўзини эса битта хонага қамаб қўйиб, тинтувни бошлаб юборишган. Қариндош уруғларини чақиришига тўсқинлик қилишган.

Маҳмуд Ражаб холис сифатида қўшнилари ҳам иштирок этишларини талаб қилган.

Сўнгги хабарларга кўра, тинтув 2 соат давом қилган ва давлат органлари ходимлари томонидан Маҳмуд Ражабга тегишли ноутбук, ақлли телефон, Муҳаммад Солиҳнинг “Пайғамбарлар тарихи” китоби ва Ойдин Солиҳнинг китоби олиб кетилган.

Шунингдек, унинг уйидан турли фермерлар билан боғлиқ маълумотлар битилган 7 варақ қоғозни баённомада 7 та варақа топилди деб олиб кетишган.

Манбаларга кўра Маҳмуд Ражаб тинтув ўтказилганлиги тўғрисидаги баённомага ўз ҳуқуқлари поймол этилганлиги ва тинтув қонун талабларига хилоф равишда ўтказилганлиги боис имзо чекишдан бош тортган.

Ҳозирги пайтда Маҳмуд Ражаб ўз уйида. Тинтув жараёни бошланиш жараёнида уйда унинг фақат битта ўзи бўлган. Турмуш ўртоғи ва болалари билан боғланишга ва уларга хабар беришга рухсат беришмаган.

У талаб қилаверганидан сўнггина, иккита қўшнисини чақиришган. Шундан кейин томорқада юрган хотини хабар топиб келган.

Эслатиб ўтамиз, Маҳмуд Ражаб Тибилисидан Истанбул орқали шоир Муҳаммад Солиҳ асарларини олиб келаётганида Тошкент Аэропортида юкхонасидаги китобларни тақиқланган адабиётлар сифатида олиб қолишган эди.

ЎХҲ ахборот бўлими

Etiketler :
Хабарга ўз изоҳингизни қолдиринг

 Ушбу хабарга қолдирилган изоҳлар

( 1 Yorum )

  • Малик ;

    Хеч одам булмас эканда бу орган ходимлари,чириган ИАК режимини халиям давом эттираяптилар , хоинлар колиб миллатпарвар юртни асл углонларини йук килиш билан оввора гумрохлар.

    11/05/2019 02:33
Сўнгги хабарлар
Ўхшаш хабарлар
istanbul escort