Ўзбекистон Халқ Ҳаракати

Яхшидур

Яхшидур
12 Haziran 2019 - 10:05 'да юкланди ва 379 марта ўқилди.

 

 

ЯХШИДУР
 
Ўтган гапни кавламоқдан на фойда,
Меҳр қочар гина-кудрат бор жойдан,
Қуёш чиқса булут қолади доғда,
Ғийбат тўнин йиртган одам яхшидур.
 
Юракнинг олови билинар кўздан,
Сукут етукроқдир минг аччиқ сўздан.
Ношукур айрилар, бил, ризқу рўздан,
Ҳаққа шукр этган одам яхшидур.
 
Эшакдан туғилган хачир от бўлмас,
Қариндошинг ёмон бўлсин, ёт бўлмас.
Туғилгандан тўғри юрган мот бўлмас,
Андишани билган одам яхшидур.
 
Сўзин чертиб айтар ўзини билган,
Дастурхон ҳурматин назарга илган,
Тили узун – азал ўзига қилган,
Ғазабини ютган одам яхшидур.
 
Қулнинг кўп бўлади хўжа, худоси,
Бахл бой бўлар бир танганинг гадоси,
Тушунганга олтин сўзим маъноси,
Ёд элларни кўрган одам яхшидур.
 
Ислом айтар, бефарқ сўзламанг ҳаргиз,
Тимдаланган жойда қолар чандиқ, из,
Япроқ учмасин, лат емасин илдиз,
Ерни “сизлаб” босган одам яхшидир.
 
Ислом Холбой
“Ҳижрон азоби” Шеърлар китоби,
Тошкент, “Ёзувчи нашриёти”, 1998 йил
facebook.com
Etiketler :
Хабарга ўз изоҳингизни қолдиринг

Сўнгги хабарлар
Ўхшаш хабарлар
istanbul escort