Тараққиëт

Тараққиëт
7 views
05 March 2020 - 10:38

ТАРАҚҚИËТ

Сўнгги 50 йил давомида юридик факултетга фақат пора билан кирилган дейишади.

СССР даврида Ўзбекистонда битта “ГАЗ 24” волганинг пулига юрфакка кириларди. Мустақиллик даврида битта янги “Мерседес” пулига кирилди.

Бугунда суд прокуратура ва адлияда ишлаганларнинг 99 фоизи пора билан ўқишга кирган.

Сал олдин Бош прокуратура ходимлари Элтузга шикоят хати ëзган эди.

Ичидаги хатоларни она тили ўқитувчисига текширтирдим. Ярим варақ матнда 56 та имло хатоси.
Минус бир қўйиб берди ўқитувчи опа.

5-6 март кунлари Самарқандда Европада хавфсизлик ва ҳамкорлик ташкилоти ҳамда Ахборот ва оммавий коммуникациялар агентлиги билан ҳамкорликда «II Марказий Осиё судьялар мулоқоти» судьялар мулоқотини ўтказилар экан. Бундан олдин барча судья ва прокурорлар АҚШ элчихонаси тараққиëт дастури пулига америкага бориб адлия тизими қандай ишлашини кўриб келишди. Хозир қамоқда ëтган прокурор ва судялар ҳам бориб келишган ашнақа тадбирларга. Тошкент циркида ишлайдиган танишим бор.

Унинг айтишича айиққа доира чалишни ўргатиш мумкин. “Аммо юрфакни тамомлаганларни саводли ва инсофли қилишнинг иложи йўқ” деди циркдаги амаки.

Балки сал оширворгандир.

Аммо гап аслан тўғри.

Расом Туз