Тошкентни сел босди

Тошкентни сел босди
55 views
26 April 2012 - 10:06

Ч
оршанба куни дўл аралаш ёққан кучли жала натижасида Тошкент шаҳридаги аксар кўчалар, тротуарлар сув остида қолди.

Жумладан, Interkontenental меҳмонхонаси ва Минор метроси олдидаги катта йўлни сув босиб кетган.

Тошкентликларнинг Озодликка хабар қилишича, шаҳарнинг кўплаб кўчаларидаги сувнинг баландлиги 40-50 сантиметргача тўғри келган. Бунинг натижасида пойтахтда автомобил қатнови издан чиққан.

Йўллардаги сув натижасида автомобиллар ярмигача сув остида қолган. Автобус бекатларини ҳам сув босгани боис йўловчилар автобусга чиқиш имконидан маҳрум бўлган.

Ёмғир пайти кучли шамол бўлгани оқибатида шаҳардаги айрим жойларида дарахтлар синиб тушган.

Сурат Facebook ижтимоий тармоғидан олинди.
​​​Facebook ижтимоий тармоғига жойлаштирилган
суратда катта дарахт синиб, Нексия автомобили устига тушган ҳолати акс этган.

Тошкент Гидрометрология марказидан олинган маълумотга кўра, чоршанба куни ёққан жала бир ойлик ёғингарчиликнинг 40 фоизига тўғри келиб, ёғин миқдори 27 миллиметрни ташкил қилган.

Тошкентда апрел ойидаги кучли жала ёғиши 1993 йилнинг 24 апрелида қайд қилинган бўлиб, ўшанда 40 миллиметр ёмғир ёққан эди.

Гидрометрологларнинг хабарига кўра, 27 апрел куни ҳаво ўзгариб туради ва момоқолдироқ чақиб, ёмғир ёғиши мумкин. Бу каби об-ҳаво 30 апрелгача давом этади.

(Самарқанддаги ëмғирдан кейинги аҳволни акс эттирувчи бу видеони Озодликнинг мобил мухбири тақдим қилди)

http://www.ozodlik.org