Туркиялик ишбилармон: ‘Ўзбекистонда мени қийноққа тутишди’

Туркиялик ишбилармон: ‘Ўзбекистонда мени қийноққа тутишди’
155 views
02 May 2012 - 15:25

Тошентдаги “Туркуаз” савдо марказининг собиқ раҳбари Воҳид Гунеш Ўзбекистон расмийлари томонидан қийноққа тутилганлигини айтиб, маҳкамага шикоят қилди.

Воҳид Гунеш шунингдек, мусодара қилинган мол-мулкини қайтариб берилишини талаб қилмоқда.

46 ёшли Туркиялик ишбилармон Ўзбекистонда “Туркуаз” ширкатига асос солиб, етти йил мобайнида раҳбарлик қилган.

2011 йили март ойида Тошкентдаги энг йирик савдо марказларидан бири ҳисобланган Чорсу бозорига яқин ерда жойлашган “Туркуаз” дўконига рейд уюштирилганди.

Шундан сўнг ширкат раҳбари ҳисбга олиниб, 9 ярим ой Миллий Хавфсизлик Хизматининг Юнусободдаги вақтинча ҳисбхонасида ушлаб турилган.

Кейинчалик ўтказилган маҳкама жараёнида Воҳид Гунеш ва унинг яна етти ҳамкори солиқларни тўламаслик ва “соя иқтисоди”нинг ривожланишига ҳисса қўшишда айбдор, дея топилди.

Туркиялик ишбилармонлар мамлакатдан чиқариб юборилиб, уларнинг мол-мулклари мусодара қилинди.

Воҳид Гунешнинг Би-би-си билан суҳбатда айтишича, Ўзбекистонда ҳибсда ушланган вақти электр токи билан қийноққа тутилган.

Воҳид Гунешнинг айтишича, савдо марказига рейд мобайнида идорага бостириб кирган заҳотиёқ уларни дўппослай бошлаганлар.

“Саккиз кун иш еримизда ҳибсда қолдик. Шундан сўнг бизни Миллий Хавфсизлик Хизматининг Юнусободдаги ертула-ҳибсхонасига ўтказишди. Қийноқлар у ерда янада кучайди. Ҳар куни эрталаб, бизни сўроққа олиб киришдан аввал дўппослашарди. Сўроқ пайтида қўйган айбларини бўйингизга олмасангиз, сўроқдан кейин яна дўппослайдилар. Оғзиларига келган сўзлар билан ҳақорат қилишарди, тўқмоқ билан уришарди, электрошоклар қўллашди”, деди Воҳид Гунеш.

Унинг даъво қилишича, бу вақт мобайнида уларни ташқи дунёдан бутунлай ихоталаб, ҳимоячи билан кўришиш имкони берилмаган.

Туркиялик ишбилармонга кўра, буларнинг ҳаммаси улардан қўйилган айбларни бўйниларига олишлари учун қилинган.

“Ҳимоячи билан кўришдим, менга таржимон ҳам беришди” маъносидаги мактубларга мажбуран имзо чектиришган.

“Чорсу”даги савдо маркази, “Амир Темур” хиёбонидаги марказимиз, Тўйтепадаги истироҳатгоҳимиз, Самарқанддаги савдо маркази, Олмалиқ, Юнусободдаги дўконларимиз таланди. Бизни “нурчилар” деган туҳмат билан телевизорга олиб чиқиб, кечирим сўратишди”, деди Воҳид Гунеш Би-би-си билан суҳбатда.

Унинг айтишича, Юнусободдаги ҳисбхонада у қатори яна қатор бошқа маҳаллий ишбилармонларнинг ҳам қийноққа тутилганлигига гувоҳ бўлган.

Воҳид Гунеш Оврўпо Инсон Ҳақлари Маҳкамаси ва Халқаро Тижорий Маҳкамага мурожаат қилганликлари ва қийноқлар қўлланганини исботлаш учун қўлларида етарли далиллар мавжудлигини билдирган.

БМТнинг Қийноқлар бўйича собиқ махсус маърузачиси бир неча йил аввал Ўзбекистонга сафари натижасида мамлакатда қийноқлар мутассил қўлланиши ҳақидаги хулосага келганди.

 

bbc.co.uk

windows 10 kaufen office 2019 kaufen office 365 kaufen windows 10 home kaufen windows 10 enterprise kaufen office 2019 home and business kaufen office 2016 kaufen windows 10 education kaufen visio professional 2019 kaufen project 2019 kaufen project 2016 kaufen visio 2016 kaufen windows server 2012 kaufen windows server 2016 kaufen windows server 2019 kaufen betriebssysteme office software windows server softhier instagram türk takipçi satın al instagram türk beğeni satın al instagram görüntülenme satın al instagram otomatik beğeni satın al facebook türk beğeni satın al facebook sayfa beğenisi satın al facebook türk takipçi satın al twitter türk takipçi satın al twitter türk beğeni satın al twitter retweet satın al youtube türk izlenme satın al youtube türk abone satın al takipçi hilesi