Чимкентликлар полиция ходимларини калтаклаган

Чимкентликлар полиция ходимларини калтаклаган
31 views
20 June 2012 - 13:24

Қозоғистоннинг Чимкент шаҳри атрофида яшовчилардан иборат оломон шубҳаланаётган шахсни қўлга тушириш ҳаракатидаги полиция ходимларини калтаклаган. Бу ҳақда Жанубий-Қозоғистон округи ички ишлар бошқармаси матбуот хизматидан хабар қилинади.

14-июнь куни Шимкент шаҳар Енбеқши туман ички ишлар ходимлари томонидан олиб борилаётган ихчам-қидирув тадбирлари пайтида Ворошиловка ҳудудида муқаддам қидирув эълон қилинган, ўғирлик ва қароқчиликда айбланаётган 21 ёшли эркак кишини қўлга тутиш жараёнида, у полиция ходимларига қарши фаол ҳаракат кўрсатиб, қариндошларини ёрдамга чақирган.

Натижада 10 кишидан иборат оломон полициянинг 27 ёшли капитанини ва 26 ёшли сержантини ўша ердаги уйлардан бирининг ҳовлисига олиб кириб, савалашни давом эттирган.

Ҳужум қилганлардан бири шубҳаланувчи қўлларига солинган занжирни болта билан чопиб ташлаб, уни бўшатиб юборган. Натижада у номаълум йўналишда ғойиб бўлган.

 

 

ca-news.org