Суиқасдга кўмак беришди

Ўзбекистонлик жуфтлик Стромсунддаги ўзбек имомига уюштирилган суиқасддан олдин Швецияда жосуслик маълумотларини йиғиш билан машғул бўлган. Шу йилнинг 22 февраль куни Обид Назаровга нисбатан амалга оширилган суиқасдга ёрдам кўрсатгани учун Ўзбекистондан келган бу жуфтликка бугун айбнома эълон қилинди.

Суиқасдга кўмак беришди
48 views
06 July 2012 - 13:29

Ўзбекистонлик жуфтлик Стромсунддаги ўзбек имомига уюштирилган суиқасддан олдин Швецияда жосуслик маълумотларини йиғиш билан машғул бўлган. Шу йилнинг 22 февраль куни Обид Назаровга нисбатан амалга оширилган суиқасдга ёрдам кўрсатгани учун Ўзбекистондан келган бу жуфтликка бугун айбнома эълон қилинди. Суд жараёни келгуси ҳафтанинг пайшанба куни бошланади.
Айблов хулосасига кўра, Мальмода яшовчи бу икки шахс имомнинг яшаш манзилини аниқлаб ижарага олинган автомобилда Стромсундга сафар қилишган. Улар ўшанда Назаров имомлик қиладиган масжидга келиб ўзларини таништиришган. Уйга қайтгунларича, йўлдаёқ Россиядаги бир шахс билан бир неча маротиба мобиль телефон орқали алоқага чиқишган. У суҳбатдош эса ўз навбатида жиноятда гумонланувчи асосий шахс билан алоқага чиққан.
Сўнг бу ўзбекистонлик эр-хотин қотил учун Стромсунддаги меҳмонхонадан яшаш жойи учун буюртма беришган ва қотил февраль ойининг бошида бир ҳафта давомида шу меҳмонхонада яшаган.
Суиқасдда гумонланувчи шахс 15 февраль куни Швецияга қайтиб келади. У аввало Арланда аэропортидан Остерсундга бир бориб, сўнгра Стокгольмга қайтиб келади. 20 февраль кунида у поездда Остерсундга боради ва кейин Стромсундга қараб йўл олади. 22 февраль кунида соат 12:30 ларда имомга ўқ узади.
Суиқасддан сўнг бу ўзбек аёли ва қотил ўн маротаба мобиль телефони орқали алоқада бўлишади. Жиноятчи поездда Стокгольмга, кейин Мальмога ўтади ва бу жуфтликнинг уйида тунаб қолади. 24 февраль куни тонгда у самолётда Копенгагендан Москвага учади.

 

Швед телевидениеси маълумотларидан

Тўлқин Қораев таржимаси

svt.se