Ғамгин эмасман

Ғамгин эмасман
144 views
08 July 2012 - 20:30

ЎЛИМДАН КАТТАРОҚ…

Ғуруримиз каттароқ ўзимиздан,
Севгимиз буюкроқдир севгилимиздан,
Нафратимиз каттароқ душманимиздан,
Нафсимиз улканроқ иштаҳамиздан…
Ўлим қурқувимиз эса,
Каттарокдир ўлимнинг ўзидан.

ТУРКИСТОНДА МЕН КИММАН?

Мен валиаҳд—қолган мероссиз,
Бойваччаман—кийинган юпун,
Мен ёлғончи—туролмас ростсиз,
Мен—нафратла севгувчи юртин,
Мен ошиқман—айтмай турган васф,
Мен булбулман—тиллари соқов,
Мен олимман, этмай турган кашф,
Мен сайёдман—қилмай турган ов,
Мен эрклиман—эркни билмаган,
Мен бахтлиман—сезмаган бахтни,
Мен қувноқман—ҳали кулмаган,
Мен валиаҳд—кўрмаган тахтни…

ҒАМГИН ЭМАСМАН…

1
Куйиниб,
Куйиниб гапирилар,
Ҳоллар ҳақда,
Аҳволлар ҳақда.
Куйишга қодир бўлган барча куяр –
Кигиз мисоли…
Осиёни тутиб борар куйинди ҳиди.

2
Мен ғамгин эмасман,
Сиз адашдингиз,
Тиши ғижирламас ғамгин одамнинг.
Ғамгин одам
Лабини тишламас қон чиққунича.
Бўйнидан томирлари бўртиб чиқмас
Ғамгин одамнинг.
Юрти Ўзбекистон бўлган одам Ғамгин бўлмас сира, ишонинг.

ЎҒИРЛАНГАН ЮРАК

Бу улус
Юрагини олдириб қўйибди Тунга…
У энди ҳамёнини олдириб қўйган аёлдай
Ёзғириб излайди ўз юрагини…
Ўша аёл каби у
Бегуноҳ одамларни айблар қарғаниб –
Яъний,
Ўз юрагини
Тундан ахтариш ўрнига
Кундуздан ахтариб юрар бу бадбахт.

РИЁЛАР ДИЁРИ

Тинмай таъқиб этар сени мусибат,
У сени пойлайди ҳар муюлишда.
Киёфанг ўзгарар – кўримсиз ва бад,
Сира чарчамайсан сочинг юлишдан.
Тақводор кўзига кўринган жиндай,
Кўнгилда “йилт” этган бадбин хаёлдай,
Ва ёки тузилиб, бузилган индай,
Номуси топталган ғариб аёлдай
Қарайсан… минора каби сўққабош,
Илдизсиз янтоқдай (йўлларинг оқдай),
Ўчоғинг ўтсиздир, ўчган чўққа бош
урасан, юрасан, турасан – хақдай.
Ким нимага лойиқ – Яратган билар,
Сенга раҳм қилмоқ – тайинсиз юмуш…
Фақат юрагимни бир оғриқ тилар,
Фақат тугилмоқда оғриқдан бу мушт.

БЕКИНГАН…

Сенинг кўзларингда ғазаб бекинган,
Кўксингда бир жаҳл ётибди писиб,
Миянгда бир қасос яшар чекинган,
Турқингдан бир кекнинг келмоқда иси,
Тугилган муштингда мудрар адоват,
Кундузи гизланган чиябўридай,
Тилингнинг учида ухлар бир Даъват,
Донг қотган элингдай кўнглинг тўрида…


ЎЗБЕКИСТОН

1
Шеър ёзмоқчи бўлсанг,
Қўлингга луғатни олгин-да аввал –
Сўзларни излаб топ шубҳадан ҳоли.
Агар юзга яқин сўз топа олсанг,
Излаб топа олсанг,
Хар хил шубҳалардан ҳоли юзга яқин сўз
Демак, сен омадли шоирсан, ука,
Демак, сен шеър ёзишинг мумкин –
Шубҳа-гумонлардан ҳоли битта шеър.

2
“Худо” деган сўзни эшитиб,
Қўркувдан
Зир титрар
Иблислар.

3
–Бу нима, биродар?
–Билмайман…
–Яхшиям, билмайсан,
Зеро,
Барча биладиганлар
кайгадир кетишди
БОШ ОЛИБ…

Мақсуд Бекжон ЎХҲ Норвегия бўлими раиси

windows 10 kaufen office 2019 kaufen office 365 kaufen windows 10 home kaufen windows 10 enterprise kaufen office 2019 home and business kaufen office 2016 kaufen windows 10 education kaufen visio professional 2019 kaufen project 2019 kaufen project 2016 kaufen visio 2016 kaufen windows server 2012 kaufen windows server 2016 kaufen windows server 2019 kaufen betriebssysteme office software windows server softhier instagram türk takipçi satın al instagram türk beğeni satın al instagram görüntülenme satın al instagram otomatik beğeni satın al facebook türk beğeni satın al facebook sayfa beğenisi satın al facebook türk takipçi satın al twitter türk takipçi satın al twitter türk beğeni satın al twitter retweet satın al youtube türk izlenme satın al youtube türk abone satın al takipçi hilesi