Ўзбекистоннинг “Мустақиллик Куни“ муносабати билан Ўзбекистон Халк Ҳаракатининг (ЎХҲ) матбуот билдириши (Audio)

ТОКИ БУ РЕЖИМ БОР ЭКАН, ОЗОДЛИК ЙЎҚДИР. Бу халқимизнинг 21 йил давомида ўрганган илк ҳикмати бўлди. Ҳикматнинг иккинчи қисми эса асрлардан бери маълум: ОЗОДЛИК БЕРИЛМАЙДИ, У ОЛИНАДИ.

Ўзбекистоннинг “Мустақиллик Куни“ муносабати билан Ўзбекистон  Халк Ҳаракатининг (ЎХҲ) матбуот билдириши (Audio)
205 views
28 August 2012 - 11:48

Мустақиллик эълон қилинганидан 21 йил ўтиб, юртимиз аҳволи худди абсурд саҳна асарининг энг чиркин буёқ ва шаклларини эслатади: Конституцияси масхара мавзусига айланган, қонунсизлик ҳукми ўрнатилган бир давлат. Порахўрликдан илма-тешик бўлган иқтисод, қашшоқликдан қобирғаларини санаш мумкин бўлган оддий халқ, оиласига бир парча нон топиш илинжида чет элларга қуллик учун чиқиб кетаётган миллионлаб инсонлар, аксарияти учун ҳақсизлик, ҳақорат ва хўрлик оддий турмуш тарзига айланган бир жамият!

Бу манзара фонида – бир сония ҳам тўхтовсиз ишлаётган давлатнинг даҳшатли террор машинаси.

[soundcloud id=’57967477′]

Давлат террори – Абсурд Режимининг ҳаёт манбаидир. Давлат террори – мамлакат ресурсларини ямламай ютаётган, миллат мадорини кемириб тугатаётган бир юҳодир. Давлат террори – қабоҳат салтанатининг суянган тоғидир.

Бу террор мингларча иймонли кишиларни махфий хизмат ертўласида чиритмоқда, мингларча тинч аҳолини қийноқлар остида ўлдирмокда. Бу террор оқибатида сиёсий мухолифатнинг бир қисми юрт ташқарисига қочиб, бир қисми яширин фаолиятга ўтди.

Террор машинаси бир сония ҳам тўхтагани йўқ, балки бутун куч-қуввати билан ҳур фикрли инсонлар ва оддий диндорларни йўқ қилишда давом этмоқда.

Ва бу Абсурд Режимининг эртага нишонлаши кутилаётган “Мустақиллик байрами” худди аҳолиси вабога чалинган шаҳардаги айшу-ишратни эслатади.

Биз биламиз-ки, эртангги “байрам”га тилла тишларини ялтиратган хазина ўғрилари, давлат русумли “Jeep” минган фоҳишалар, “Chanel” атирлари уфурган зўравонлар, диктаторнинг лаганбардор шоирлари, генерал либосидаги қотиллар, қўшни ўлка тупроғига “дахлиз” истаган элчилар ва ҳоказолар ҳозир бўлажак, аммо жафокаш ўзбек халқидан бирорта ҳам вакилни кўрмайсиз у ерда.

Ўзбек халқи 21 йил кузатгани каби, бу зиёфатни бир чеккада жим кузатажак. Байрам ниқобидаги бу дафн маросимини, Ҳуррият орзуларининг бу режим давридаги дафн маросимини кузатажак.

ТОКИ БУ РЕЖИМ БОР ЭКАН, ОЗОДЛИК ЙЎҚДИР.

Бу халқимизнинг 21 йил давомида ўрганган илк ҳикмати бўлди.

Ҳикматнинг иккинчи қисми эса асрлардан бери маълум:

ОЗОДЛИК БЕРИЛМАЙДИ, У ОЛИНАДИ.

Яшасин Озодлик!

Ўзбекистон Халқ Ҳаракати
2012 йил 28 август

 

windows 10 kaufen office 2019 kaufen office 365 kaufen windows 10 home kaufen windows 10 enterprise kaufen office 2019 home and business kaufen office 2016 kaufen windows 10 education kaufen visio professional 2019 kaufen project 2019 kaufen project 2016 kaufen visio 2016 kaufen windows server 2012 kaufen windows server 2016 kaufen windows server 2019 kaufen betriebssysteme office software windows server softhier instagram türk takipçi satın al instagram türk beğeni satın al instagram görüntülenme satın al instagram otomatik beğeni satın al facebook türk beğeni satın al facebook sayfa beğenisi satın al facebook türk takipçi satın al twitter türk takipçi satın al twitter türk beğeni satın al twitter retweet satın al youtube türk izlenme satın al youtube türk abone satın al takipçi hilesi