“Озодлик” радиоси ўзбек бўлимига раддия

“Озодлик” радиоси ўзбек бўлимига раддия
32 views
28 September 2012 - 15:31

Намоз Нормўмин,

28 сентябрь 2012 йил

“Озодлик” радиоси ўзбек бўлими Ўзбекистонда адолатли жамият қуриш йўлида эркин минбар сифатида фаолият кўрсатиб келаётгани жамоатчиликка яхши маълумдир. Аммо менинг 20 йиллик тажрибамда биринчи марта бу радионинг ножиддий эшитиришига гувоҳ бўлдим. Радионинг шу йил 27 сентябр Сарвар Усмон олиб борган “Gogoosha яна қўшиқ айтишга уриниб кўрди” (ozodlik.org) эшитиришида менинг номимдан (Намоз Нормўмин) ножиддий сўзлар ва энг муҳими Қуръони Карим оятлари масхара усулда келтирилган. Гарчи эшитириш муаллифи бу гапларни “фараз”, деган бўлса ҳам, бу фаразларни номи жамоатчиликка яхши таниш кишиларнинг ўз гапи, дея тақдим қилиш энг камида бу кишиларга ҳурматсизлик ўрнида кўрилиши керак.

Ҳурматли ўқувчилармизга ва миллатдошларимизга ушбу дастурда менинг номидан айтилган гапларга менинг ҳеч қандай алоқам йўқлигини билдираман. Бу гаплар эшитириш муаллифининг савиясини кўрсатадиган ҳужжатдан бошқа нарсага ярамайди, деб ўйлайман.