Эрдўғон: Ўлим жазоси зарурийдир

Эрдўғон: Ўлим жазоси зарурийдир
69 views
10 November 2012 - 12:25

Индонезиядаги бир халқаро учрашувда нутқ сўзлаган Бош Вазири Тойиб Эрдўғон оғир жиноятлар содир қилинганда, жиноятчига ўлим жазоси берилиши мумкинлиги айтган. Туркия Бош Вазири бу сўзларига ўтган йили Норвегияда 77 кишини ўлдирган террорчи Андерс Брейвик амалга оширган жиноятни, шунингдек Хитой, АҚШ, Япония каби давлатларда ўлим жазоси ҳозирги кунда ҳам тадбиқ қилинаётганини далил сифатида келтирди.

Туркияда курд исёнчиларининг бошлиғи Абдуллоҳ Ўжалон 1999 йилда қўлга олинган ва ўлим жазосига ҳукм қилинганди. Аммо Туркия Оврупо Иттифоқига аъзо бўлиш учун музокаралар олиб бораётгани туфайли ўлим жазоси мамлакатда бекор қилинганди. Эрдўғоннинг ўлим жазосини қайта тиклаш ҳақидаги баёноти Туркия ва Оврупо Иттифоқи муносабатлари заифлашиб кетгани ва сўнгги йилларда курд исёнчиларининг қуролли ҳаракатларини жадаллаштирганлари билан изоҳланиши мумкин.

 

ЎХҲ Ахборот Маркази