Ўғирлаган электр энергияси учун Ўзбекистон $15 млн. жарима тўлайди

Ўғирлаган электр энергияси учун Ўзбекистон $15 млн. жарима тўлайди
89 views
26 November 2012 - 13:38

Ўзбекистон лимитдан ташқари электр энергияси олгани учун Қозоғистонга 15 миллион доллар жарима тўлайди, дея хабар беради Независимая газета “Қозоғистон электр тармоқларини бошқариш компанияси” (KEGOC) матбуот хизматига таянган ҳолда.

Ўзбекистон томонидан электр энергиясининг рухсатсиз олиниши туфайли Қозоғистон бир неча бор Марказий Осиё Бирлашган энергия тизимидан чиқиб кетажаги тўғрисида билдириб келганди. Жарима тўлаётганига ҳамда Қозоғистон томонининг норозилигига қарамай, Ўзбекистон қўшни мамлакатнинг электр тармоғидан киловаттларни ноқонуний равишда тортиб олишдан тўхтамаяпти ва бундан кейин ҳам тўхтамайди: чунки, хали қиши кириб келмасдан туриб мамлакат энергетик инқирозни бошидан кечирмоқда. Айни пайтда Ўзбекистонда Иссиқлик электр станциялари учун мазут ва кўмир етишмовчилиги боис аҳолига электр энергияси етказиб беришнинг махсус тартиби жорий этилган. Ёқилғи қуйиш шохобчаларида бензин қуйиш учун навбатга тизилган автомашиналар километрларга чўзилган, аҳоли газ тақчиллигини бошидан кечирмоқда, электр таъминотидаги узилишлар одатий тусга кириб қолди.

Тошкент қўшниларга бундан кейин бу ишлар қайтарилмайди деб ваъда қилди, аммо сўзининг уддасидан чиқа олмади: шу кунларда KEGOC яна бир бор рухсатсиз электр энергияси ўғирланаётганини қайд этди.

 

fergananews.com