Испанларнинг исрофлари

Испанларнинг исрофлари
46 views
30 November 2012 - 13:21

Ҳозир дунёда жиддий иқтисодий бўҳрон давом этаётгани маълум нарса. Бу бўҳронлар тараққий қилмаган давлатларнинггина эмас, тараққий қилган давлатларнинг ҳам белини букиб қўймоқда. Масалан, Юнонистон (Греция) шундай сурункали иқтисодий бўҳронга дуч бўлган ва хазинаси тамоман бўшаш арафасида турган давлатдир.

Оврупода яна Португалия ва Испания ҳам жиддий иқтисодий бўҳронни бошдан кечирмоқдалар. Масалан, Испанияда ишсизлик 20% ошиб кетган, яъни ишга ярайдиган ҳар беш кишидан бири ишсиз бу мамлакатда. Шунинг учун бу ерда тез тез инсонларнинг ҳукуматга қарши намойишлари бўлиб туради. Оммавий ахборот воситаларининг хабар беришича Испаниялик фермерлар ўз нарозиликларини полиция ҳодимларига сут сепиш билан амалга оширишган.

Яъни, сут ташиладиган машиналардаги ўнларча сут шлангалар билан полиция ҳодимлари устига сепилган. Бу билан катта исрофга йўл қўйилган. (Ғарбда исроф тушунчаси кенг ёйилмаган). Шунингдек, испанияликларнинг ҳар йил ўтказадиган помидор ”фестивали” ҳам бор.

Бу фестивалда ҳам ўнларча тонна помидорни инсонлар бир бирларига отиб “ўйин кулгу” қиладилар. Яна испанияликларга хос ўйинлардан бири мотадор ўйини, яъни стадионда футбол ўрнига мотадорнинг (ҳўкиз билан курашувчининг) ҳўкиз жониворни калака қилиб ўйнаши, унинг вужудини узун ханжар билан тилка пора қилиши ва охирида уни ўлдиришидир.

Бу ўйинда доим ҳам мотадор ғолиб чиқавермайди. Баъзан стадиондан мотадорнинг жасади чиққан ҳоллар ҳам бўлади. Шунингдек, испанияликлар баъзан сурув сурув ҳўкизларни кўчага қўйиб юборишади ва ўзлари уларнинг олдига тушиб чопишади. Ҳўкизларнинг оёқ остларида қолганларнинг вой ҳолига…

 

Фурқатбек
30 ноябрь 2012 йил