Ўзбекистонда ўқитувчилар жосусларга айланди

Ўзбекистонда ўқитувчилар жосусларга айланди
17 views
10 January 2013 - 13:39

Мана бу интернет сайтининг (profi-forex.org) хабар беришича, 2012 йил май ойида Ўзбекистон олий ва ўрта махсус таълим вазирлиги бу соҳа ўқитувчиларига махсус вазифа топширган. Бу вазифа ўқитувчиларнинг ўзлари ишлайдиган жойларга яқин бўлган интернет кафеларга талабаларнинг кириб чиқишини назорат қилишдан, яъни талабалар орқасидан жосуслик қилишдан иборат экан. Бундан мақсад талабаларнинг ҳукумат истамайдиган интернет сатйларига киришларига тўсиқлик қилишдан иборат. Хабарда айтилишича бундай ташаббуслар диктатор Каримовнинг қизи Гулнорага оид бўлган Фонд Форумдан чиқар экан.

Айни пайтда дейилади хабарда Гулнора Каримованинг ўзи ғарб маданиятга хос бўлган турмуш кечиради, яъни мода кўргазмалари ташкил қилади, Европадаги кўнгилочар учрашувларда қатнашади, видеоклиплар ижод қилади.

Яна ушбу хабарда айтилишича Ўзбекисондаги диктатура режими бутун кучи билан интернетни цензура қилишга уринаётган экан. Ҳозирда дейилади хабарда Ўзбекистонда 9 миллион киши интернет хизматларидан фойдаланмоқда. Аммо бу мамлакатдаги Узтелеком ширкати интернетдаги ҳукуматга ёқмайдиган веб саҳифаларини ёпиб қўйишга ҳатто прокси йўлларини тўсишга ҳам уринади…

Аммо диктатор Каримов нима қилса қилсин ойни этак билан ёпиб бўлмайди. ЎХҲ га келаётган маълумотларга қараганда ҳамюртларимиз бутун тўсиқларга қарамасдан интернетдан самарали фойдаланишнинг йўлларини топмоқдалар.

ЎХҲ Ахборот Маркази
10.01.2013