Кукуша еки гугуша хакида

Кукуша еки гугуша хакида
86 views
20 June 2013 - 5:00

Бу ҳаётда Кукушканинг

Қилмагани қолмади,

Юртини талай-талай

Шилмагани қолмади.

Шўрлик ўзбек ҳалқини

Юрагини ёшлади

Ҳаммани рақиб билиб

Зиндонларга ташлади.971467_142509172613349_1352773176_n

Отамга ворисман,деб

Янги ҳунар бошлади,

Омма тўплаб атрофга

Қўшиқ айта бошлади.

Эшитарми одамлар

Эшитмасми, иши йўқ?!

Беўхшов қилиқлари

Бас, дейдиган киши йўқ.

Ўзи айтган куйларга

Ўзи бўлар маҳлиё

Бораверар қийшанглаб

Анжуману тўйларга.

Кукушка келган ердан

Қочар бўлди одамлар

Тунлар қулоққа ёстиқ

Босар бўлди одамлар.

Аждодларидан қолган мерос

Кукушга ҳам ўтгандир?!

Балким буюк боболарин

Нафаслари юққандир?!

Хуллас қирқта макр-ҳийла

Ул хотунга оз бўлди.

Заргарликдан-ҳофизгача

Ҳунарлари соз бўлди.

Отажони таклиф берди,

Бир иложин ўйлайлик

Кукушани ўрнимга

Тўра қилиб қўяйлик.

Бўлса элга юртбоши

Мартаба баланд бўлса

Мажлис, қабул, нутқ, сафар…

Хуллас доим банд бўлса.

Балки қўшиқ айтишга

Вақти қолмас,улгурмас

Амалидан уялиб

Ҳофизликни эп кўрмас.

Келишдилар Кукуша

Энди юртнинг эгаси

Атрофида лўттибозу,

Отарчилар жўраси.

У курсида ўтирар

Қўлни қўйиб белига

Яна ҳам қийин бўлди

Ўзбекистон элига.

Чидаб , сукут сақлаган

Маишатга эш бўлур

Қўшиғини мақтаган

Албат иши беш бўлур.

Бу шўрлик юртда энди

Бошқа бирор қўшиқ йўқ

Биргина Кукушанинг

Қўшиғига тўсиқ йўқ.

Хатто қўмсаб, ноёб, деб

Сўйлар бўлди шақоллар

Кукушага ўхшатиб

Куйлар бўлди шақоллар.

Қарсак,олқиш,мадҳия

Авжга чиқиб басма-бас

Ёшлар деди: Бизга энди

Бошқа қўшиқ керакмас.

Ҳаммамиз бу қўшиқнинг

Фидойиси бўлурмиз.

Уни айтиб яшадк ,

Уни айтиб ўлурмиз!

Во ажаб, булбули йўқ,

Хўрози йўқ ул маъво

Ўзбекистонда ҳамон

Янграр ёлғиз бир наво!

Нусрат Яқин

“Файсбокдан” олинди