Янги югурдак кадрлар

Янги югурдак кадрлар
62 views
19 July 2013 - 11:05

Ўзбекистондан олинган хабарга кўра (centrasia.ru), Ташқи Ишлар Вазири ўринбосари Владимир Норов ўз вазифасидан бўшатилган.

Шунингдек, Ўзбекистон Марказий Банкининг Раиси Муллажонов комада ётганлиги айтилмоқда… POKLON

Яъни, Ислом Каримовнинг кадрлари бирини -кетин ўринларидан силжишмоқда ва уларнинг ўрнини Гулнора Каримованинг кадрлари эгаллаши кутилмоқда.

Доно “Ўзбекбоши” бу билан ўзича катта режани йўлга қўймоқда ва эркатой қизи учун тахтнинг йўлини аста -секинлик билан тозалашга ўтганга ўхшайди.

Демак, янги команда, яъни Гулноранинг командаси учун янги югурдак кадрлар гуруҳи ҳозирланади.

МХХ раиси Рустам Иноятовнинг соғлиги ёмонлиги ҳақида бот- бот хабарлар тарқатилмоқда. Бунинг маъноси унга ҳам Гулноранинг командасида ўрин йўқ дегани…

Бош Вазир Шавкат Мирзиёев асосий вазифларни бажаришдан “изоляция” қилинган. Унга ҳам Ота ва қизи яқинда “бай бай”, дейишлари мумкин.

Бош Вазир ўрнибосари Рустам Аъзимовнинг чет давлатларда 4 миллиард доллар пули бор экан. Бу ҳол оддий “бай бай” билан тугамайди демак. Аввал бу пуллар Гулноранинг ҳисобига ўтказилади ва кейин Азимов суд курсисига ўтқазилади…

Бош Прокурор Рашиджон Қодиров ҳам қонунни ҳимоя қилиб эмас, қонунбузарлик йўли билан катта бойликларни қўлга киритган. Демак, унинг ўрнига тайинланадиган янги Бош Прокурор ишни эски Бош Прокурорни қўлга олиш билан бошлайди..

2014 йилда Парламент сайловлари бўлади. Депутатлар ва сенаторларнинг асосий қисми алмаштирилиши мумкин бу сайловларда. Гулноранинг югурдак кадрлари кимлар бўлишини янги депутатлар ва сенаторлар орасидан излаш керак бўлади.

Вилоят ҳокимларичи дейсизми? Улар зотан аҳамиятсиз, исталган пайтда алмаштириш мумкин бўлган “пешкалардир”.

Бу айтилганлардан, тамом иш битибди, энди Гулнорани янги Президент, дея табрикласак ҳам бўлаверар эканда, деманг…Чунки булар Диктатор Ота ва унинг қизининг режаларидир. Аммо эртанги куннинг уларнинг режаларини чипакка чиқариш эҳтимоли албатта бордир…

Фурқатбек

19.07.2013