Қалб музлиги эрийдими? (6)

Қалб музлиги эрийдими? (6)
71 views
25 July 2013 - 1:48

Замонамиз қаҳрамони, матонат ва жасорат соҳиби, ҳуқуқ ҳимоячиси А.Содиқовнинг Олмазор тумани бандликка кўмаклашиш ходимларига нисбатан даъво аризасини уч ойдан бери кўриб чиқаётган фуқаролик  ишлари бўйича Шайхонтоҳур туманлараро суди судьяси Д.Мавлянова ниҳоят суд муҳокамасини якунлашга қарор қилганга ўхшайди.

Суд мажлисидан ўлгудек қўрққан, суд жараёнида Ўзбек ҳукуматидаги шерикларининг башараларини очилиб қолишини сезган Олмазор тумани бандликка кўмаклашиш хизматининг собиқ раҳбари Мухамадалиев М.У уй-жойини тезликда сотиб жамоатчиликдан яшириниб юрганлиги, ўзбек жамоатчилигига яқинда маълум бўлди. Ўз ҳатти-ҳаракатларидан нафақат фуқаровий қонунбузарлик, балки жиноят ётганлигини фаҳмлаган Мухамадалиев М.У қачонгача жамоатчиликдан яшириниб юраркан? Ҳийла, найранг, макр усталари ишсизликни яширишга масъул бўлган Ўзбек ҳукуматининг қуйи поғонаси нинг жангарилари нимани ҳис қилаётган эканлар? Ишсизликни оммавий яшириш қачонгача давом этаркан?

Ислоҳотларни беқиёс ҳаётсеварлик билан кузатаётган ўзбекларни фикри-ҳаёли юқоридаги саволларга жавоб исташ бўлиб қолган. Суд мажлисида жавобгар томон сифатида иштирок этаётган Меҳнат вазирлиги вакили Алимбекова Умиданинг ҳатти-ҳаракатлари меҳнат вазирлигидаги “абадий музлик”нинг эрий бошлаганидан дарак бермоқда. Зеро, бу инсоннинг А.Содиқов ва 8 миллионлик меҳнат мухожирларига бўлган илиқ муносабати, суд жараёнини диққат билан кузатаётган ўзбек жамоатчилигини тўлқинлантириб юбормоқда.

Суд муҳокамасида ўзбек жамоатчилигидан устамонлик билан яширилган, Ўзбекистон вазирларининг меъёрий ҳужжатлари ошкор бўлмоқда. Бу меъёрий ҳужжатларни оммавий ахборот воситаларида ёритилмаганлиги ва жамоатчилик муҳокамасидан ўтказилмаганлиги, ишсизликни яширишга Президент девонининг ўзи яширишн оғзаки буйруқлар орқали бош-қош бўлган ва бўлмоқда, деган фикрни кенг тарқалишига сабаб бўлмоқда.

Алимбекова Умиданинг юқорида таъкидлаганимиздек меъёрий ҳужжатларни ишлатишга ва бу меъёрий ҳужжатларни атайин инкор этган ва бузган ўз ҳамкасбларини фош этишга қаратилган жиддий ҳаракатлари, Ўзбек ҳукуматининг таркибида вазиятни жуда яхши тушунадиган, мамлакат ва унинг оддий одамларига эзгулик нуқтаи назаридан қарайдиган кучлар борлигини яққол кўрсатади. Бу кучлар ва жамоатнинг илғор одамлари ҳатти-ҳаракатлари орқали Президент Ислом Каримовни,

Бош вазир Шавкат Мирзиёвни,

Миллий ҳавфсизлик хизмати раиси Рустам Иноятовни,

Ички ишлар вазири Баходир Матлюбовни,

Солиқ қўмитаси раиси Ботир Парпиевни,

Марказий банк раиси Файзулла Муллажоновни, минглаб ўзбек генерал ва зобитларини қалб музликлари эрийди, деб умид қилиб қоламиз. Азизлар, замонамиз фидокори А.Содиқовни даъвоси бўйича фуқаролик ишлари бўйича Шайҳонтохур туманлараро суди судьяси Д.Мавлянова раислигида ўтказилаётган суд муҳокамасининг навбатдаги мажлиси 26 июль куни бўлиб ўтади. Шу куни даъвогар ва жавобгар томон ўзаро мунозарага киришади. Сизларни ушбу мунозарани кузатишга чақираман.

 

Азамат Худoйқулов
24 июль 2013 йил