Жиззахча тест

Жиззахча тест
17 views
05 August 2013 - 11:20

0281837a69Диктатор Ислом Каримов таъбири билан айтадиган бўлсак ва Ўзбекистон келажаги ёшлар қўлида деган иборага ҳам назар ташласак, 2013 – 14 ўқув йили учун 2013 йил 1- август кунида Жиззах вилоятида ўтказилган тест имтиҳонлари қандай ўтганлиги билан қизиқдик. Жиззах вилоятидаги баъзи абитуриентлар билан ҳамсухбат бўлдик. Маълум бўлишича, Жиззах вилоятининг Жиззах шаҳридаги 17- ўрта таълим мактаби биносида Абдулла Кодирий номидаги Жиззах Давлат Педагогика институтига кириш учун даъвогар бўлган абитуриентларнинг жисмоний тарбия бўйича тест имтихонлари бошланиш вақтида шундай воқеа-ҳодисалар руй берган. Абитуриентлар МХХ ва ИИБ ходимлари томонидан қаттиқ текширувдан сўнг имтиҳонга киритилди.

Натижада хавфсизлик ходимлари абитуриентларни ялангоч қилиб телефон аппаратлари ва шпаргалкаларини йиғиб олиши вақтида бир нечта абитуриентнинг чотидан гўдакларга мўлжалланган памперс ичига жойланган телефон аппарати ва шпаргалкалар йиғиб олинган. Шундан сўнг ИИБ милициясининг уч ходимлари томонидан мактаб ҳовлисига олиб чиқилиб, бир нафар абитуриент болани шир ялангоч ечинтириб, уни бошқалар кўзи ўнгида қўлларида памперс уйнатиб масқара килишган.

Ҳурматли ўкувчи, ана энди айтингчи ИИБ милиция ходимларининг бу хурмача қилиқларига нима дейсиз? Ваҳоланки, буларга нисбатан Ўзбекистон Республикасининг Конституциясида ҳеч бир қонунлар мавжуд бўлмаганлиги ва ҳақ-ҳукуклари чегараланмаганлиги сабабли оддий халққа нисбатан булар томонидан амалга оширилаётган ноҳакликларни қандай баҳолашимиз мумкин?

ЎХХ хайрихоҳи.
Жиззах