Тошкентдаги “Қатортол” озиқ-овқат ва кийим-кечак бозорида содир бўлган ёнғин тафсилотлари

Тошкентдаги “Қатортол” озиқ-овқат ва кийим-кечак бозорида содир бўлган ёнғин тафсилотлари
59 views
31 August 2013 - 11:57
QatortolBozori

Қатортол бозори

30 август куни тонгда Тошкентдаги “Қатортол” озиқ-овқат ва кийим-кечак бозорида содир бўлган ёнғиннинг янги тафсилотлари маълум бўлди, – дея хабар беради Ўзбекистон Халқ Ҳаракати (ЎХҲ) ахборот бўлими.

Бозорга яқин уйларда яшовчиларнинг айтишича, ёнғин тонгги соат з ларда бошланиб, эрталаб соат 8 ларда тугаган. “Ёнғин ёнишга ҳеч нарса қолмаганидан ўзидан ўзи ўчди”, – дедилар воқеага гувоҳ бўлган кишилар.

Эрталаб соат 10ларда бозорга шаҳар ички ишлар бошқармаси раҳбарияти, туман ва шаҳар ҳокимлари ҳамда мамлакат Бош вазири Шавкат Мирзиёев ташриф буюрган.

“Қатортол” бозорида дўкон сотиб ёки ижарага олган баъзи тадбиркорларнинг фикрича, 30 августдаги ёнғин дўконларнинг аввалги эгалари ёки ижарага берган ҳозирги эгалари томонидан атайлаб уюштирилган бўлиши мумкин. “Ўзингиз биласизку, бизда давлат нима қилишини: аввалига дўконни сизга сотади ёки ижарага беради. Кейин эса сизга шу дўконни яна бир марта пуллаш ёки ижарага бериш учун атайлаб ёқиб юборади”, – дейди “Қатортол” бозорида ёниб кетган дўконлардан бирининг эгаси.

 

AlpJamolningMusodaraQilinganUyi

Алп Жамолнинг мусодара қилинган уйи

Таъкидлаш жоизки, “Қатортол” озиқ-овқат ва кийим-кечак бозоридаги аксарият дўконлар шу йил август ойида реконструкция қилиниб, тадбиркорларга сотилганди ва ижарага берилганди. 2011 йилгача “Қатортол” бозори “Алп Жамол” холдинг компаниясига тегишли бўлган, 2010 йил ўрталарида мусодара қилиниб, давлат тасарруфига ўтказилган.

Бу каби воқеа ўтган йилнинг баҳор фаслида Андижонда ҳам содир этилган эди. Эски шаҳарда жойлашган “Наврўз” савдо комплекси ҳам худди шу зайлда ёқиб юборилган.

ЎХҲ ахборот бўлими