Нукусдаги оила кўчада фарзандли бўлиш арафасида…

Нукусдаги оила кўчада  фарзандли бўлиш арафасида…
41 views
31 August 2013 - 13:49

нукус Икки ой аввал квартиралари бузилганидан кейин кўчада қолган Нукусдаги Уббиниёзовлар оиласи шу кунларда янги фарзанд кутишяпти.  Мухаббат Уббиниёзова тез орада туғиши мумкин.  Уббиниёзовлар уларнинг иккита квартираси учун компенсация бу қадар чўзилади, кўча уларнинг янги чақалоқлари учун уй бўлади дея ўйлашмаганди.
Олти жондан иборат оиланинг каттаси, ишсиз ўқитувчи Мурод Уббиниёзовнинг айтишича, уларни Нукусдаги квартираларидан 27 июн куни чиқариб ҳайдашган, шундан буён улар очиқ осмон остида яшашмоқда.

Uznews.net сайтидан олинган маълумотга кўра, аввалига улар ўзларининг қадрдон Қорақалпоғистон кўчасида, тўғри йўл чеккасида қўлбола катак ясаб яшаб юришди.

Куннинг иссиғида ипга тортилган чойшаблар соясида ўтиришди, тунда эса докадан тикилган пашшахонада чивинлардан жон сақлашди.

Эрталаб саҳар олтидан атрофдан ўтаётган автомобиллар шовқини остида уйғонишар, кўча яқинидан оқувчи ариқда ювинишарди. Кейин ўтин ёқиб, иккита ғиштнинг устига, фильтрланган сув солинган чойнакни қўйиб, чой дамлай бошлашди. Беш литрлик баклашкаларда сувни улар, шу ердан унча узоқ бўлмаган жойдан сотиб олишади. Айни ғиштнинг устига қозон осиб овқат  тайёрлашади.

Аёллар қўшни уйлар эгаларидан сўраб ҳожатхонага кириб юришибди, эркаклар эса аллақачон суви қуриб қолган параллел ариққа ҳожат чиқаришяпти экан.

«Уят  албатта, бироқ одамлар бунга тушуниш билан қарашди», – дейди Уббиниёзов.

Уббиниёзовларнинг 76ёшли онаси эса кўча ҳаётига чидай олмади, 29июль куни вафот этди.8803_3a629041ebe5761d_max

Шунда ҳам ҳукумат вакиллари улардан хабар олмадилар. Аксинча, Қорақалпоғистоннинг энг катта “хўжайини” Ўзбекистон таркибидаги ушбу республика Олий кенгаши раиси Муса Эрниёзовнинг буйруғи билан уларни боши берк кўчага милиционерлар “кўчириб” қўйишди.

Уларни кўчада яшашга, Уббиниёзовларга тегишли бўлган – битта уйдаги икки ва уч хонали квартираларнинг нимагадир биттага ҳисоблаб баҳолашгани олиб келди. Натижада фуқаролик ишлари бўйича Нукус туманлараро суди бузилган уй учун бор йўғи 90 миллион сўм (“қора бозор” курси бўйича 30 минг доллардан сал камроқ) ёзди.

Айни пайтда, Уббиниёзовнинг сўзларига кўра, ғиштин уйдаги бир хонали квартира Нукусда 85 мингдан 150 миллион сўмгача боради.

Қонунда кўзланган даражада лойиқ уйни  шаҳар ҳокимлиги таклиф қилмади, пулни олишдан эса Уббиниёзовлар воз кечишди. Ҳукумат уларнинг бечораҳол вазиятига эътибор қилар деган умидда кўчага жойлашиб олишди.
Уббиниёзовларнинг ҳайратланишича бор, ҳукумат уларга эътибор қилмаяпти.
22 август куни Уббиниёзовлар шаҳар ҳокимлиги яқинида пикет ўтказмоқчи бўлишди, бироқ уларнинг шиорларига  навбатчи қоровул, милиционердан бошқа ҳеч ким диққат қилмади.

Милиционер, “на ҳоким, на бир бошлиқлардан бирортаси йўқлигини” билдирган, кейин тарқалишларини, акс ҳолда милиция нарядини чақиришга мажбур бўлишини билдирган.

Барча умид – қишлик чодирлардан

Боши берк кўчадаги  Уббиниёзовларнинг келиши билан, уларнинг шароити яхши одамларнинг борлиги туфайли сал ўзгарди.

Улар энди ҳусусий ҳовлида ювинишади, уй соҳибасининг меҳрибонлиги туфайли улар ҳовлидаги ҳожатхонадан ҳам фойдаланишади.

Овқатни Уббиниёзовнинг хомиладор хотини – Мухаббат ўз синфдош дугонасининг ошхонасида тайёрлайди.

Бироқ ҳаммасидан ҳам оилани ташвишга солаётган нарса, бундай шароитда туғилажак чақалоқнинг ҳаёти бўлиб турибди.

Яқин орада бошланадиган, Қорақалпоғистонда айниқса оғир кечадиган совуқ, Уббиниёзовларни ташвишга солмоқда.

«Қишки чодири бор дўстларим билан келишдим, қўлимдан келгани шу бўлди», – дейди ўз режалари ҳақида Уббиниёзов.

Қонунчилиги ва адолат тантанасини қорақалпоқ оиласи аллақачон кутмай қўйган.

Яқинда Уббиниёзов Тошкентдан қайтиб келди, у ерда олиймақом давлат амлдорлари эшикларини «тақиллатиш»га уриниб кўрди, бироқ уларнинг ҳам, қорақалпоқ ҳамкасблари каби лоқайд эканликларига амин бўлди.

Чарос