Мустақилликнинг 22 йиллиги ғалати символларда акс эттирилмоқда

Мустақилликнинг 22 йиллиги ғалати символларда акс эттирилмоқда
104 views
03 September 2013 - 8:11

SionSymbol “Ўзбекистон мустақиллигининг 22 йиллигига бағишлаб чиқарилган байрам эмблемаларида сионизм символлари акс этган бўлиб, “22 yil” сўзлари Исроил давлатининг расмий рамзларидан ҳисобланадиган Довуд (олтиқиррали) юлдузи ичида берилмоқда”, дея хабар беради Тошкентдаги ўқувчимиз Каримжон Бўриев.

 Довуд юлдузи ичига “қамал”ган “22 yil” сўзлари туширилган эмблемалар Тошкентдаги реклама бордларида ва жамоат транспортларида намойиш этилмоқда. Бу эмблемаларда ўзбек миллий нақш элементлари мавжуд бўлса-да, сионизм символикаси анча ёрқин ифода эттирилган.

Тошкент шаҳар ҳокимиятида ишлайдиган манбанинг билдиришича, ушбу эмблемалар президент девонининг топшириғи бўйича ясалиб, ташқи реклама бордлари ва жамоат транспортларида намойиш қилиш учун тақдим қилинган.

Жаҳонда содир бўлаётган бугунги сиёсатдан хабардор баъзи ўзбекистонликлар мазкур эмблемаларда ўзига хос ҳақиқат акс этганини такидлашмоқда. Хусусан, тошкентлик собиқ ҳуқуқбонлардан бирининг айтишича, Ўзбекистон мустақиллиги ҳам, давлати ҳам ўтган 22 йил давомида сионизмга тобеъ ва қамал ҳолатда бўлиб, унинг чангалидан ҳали бери чиқа олмайди.

“Бу эмблемаларда “22 yil” сўзларининг сион юлдузи ичига “қамал”ганига ҳайрон бўлишнинг ҳожати йўқ. Чунки реал ҳаётда ҳам айнан шу нарса содир бўляпти: Ислом Каримов раҳбарлигида Ўзбекистон ўз мустақиллигининг биринчи кунидан бошлаб то бугунгача исроилопараст сиёсий кучларга тобеъ бўлиб қолмоқда”, – дейди собиқ ҳуқуқбон.

Шуни эслатиш жоизки, Ўзбекистон раҳбариятининг сионистик доиралар билан яширин алоқалари ҳақида илк бора (2005 йилда) сиёсатшунос Усмон Ҳақназаров Интернет тармоғи орқали кенг жамоатчиликка маълум қилганди. Шахси шу бугунгача номаълум қолаётган таҳлилчининг мақолаларига кўра, сиёсий ва ҳавфсизлик масалаларида Ўзбекистон ҳукумати Бухоро яҳудийлари умумжаҳон Конгресси ҳамда бевосита Исроил давлатининг кўмагига таяниб келмоқда.

Усмон Ҳақназаровнинг таҳлиллари қанчалик тўғри ёки нотўғрилиги очиқ қолаётган бир пайтда Ўзбекистон президенти девони топшириғига кўра ясалган эмблемаларда сионизм символлари акс эттирилгани таниқли сиёсатшуноснинг таҳлил ва таҳминларига бўлган шубҳаларни камайтириши аниқ.

Каримжон Бўриев

Тошкент, 2 сентябр 2013 йил