Пахтага чиқмасанг-55доллар тўлайсан!

Пахтага чиқмасанг-55доллар тўлайсан!
71 views
09 September 2013 - 14:44
 
пахтажиззахЖиззах вилоятининг Ғаллаорол туманида катталар ва болалардан пахта теримига чиқиш ёки унинг ҳақини тўлаш талаб қилинмоқда, дея иқтибос келтиради uznews.net сайти.
Жиззах вилоятининг ёш болали ота оналари август учун болалар нафақасини ололмаслик муаммосига дуч келишмоқда.

Қишлоқ фуқаролар йиғини вакиллари Жасур Йўлдашев ва Дилноза Сангировалар, шикоят қилган одамларнинг уйларига бориб, уларга пахта теримида қатнашган тақдирдагина уларга нафақа тўланишини билдиришган.
“Агар пахтага чиқсаларинг нафақа бўлади, агар қўлингиздан келмаса, унда ўринларингга одам ёлланглар”, – дея билдиришган қишлоқ фуқаролар йиғини вакиллари.

Улар шунингдек пахта теримидан қолишнинг ягона йўли – оиланинг ҳар бир катта аъзоси учун 150 минг сўм (55 АҚШ доллари атрофида) тўлашни таклиф этишган.

Бошқа оилаларга бориб улар, болалар нафақаси аллақачон пахта мавсуми учун олингани, оналар уни олишдан умидвор бўлмасликларини билдиришган.

Шунга ўхшаган ҳолатлар, – пахтага чиқмаслик учун товон тўлаш таклифлари Ғаллаорол тумани ўқув муассасаларида ҳам янграмоқда.

6 сентябр куни тиббиёт коллежида ота оналар мажлиси бўлган, унда ота оналарга фарзандларининг пахтага чиқишини 100 фоиз таъминлаш мажбуриятини қўйишган, дейди унда бевосита иштирок этганлар.

Агар қайсидир ўқувчининг пахтага чиқишга соғлиғи тўғри келмаса, бу оилаларга 600 минг сўм (220 АҚШ доллари) келтиришни буюришган.  Диктаторнинг тубан сиёсати ўқувчиларни мактабдан қолдириб, далада ишлашга сафарбар этяпти. Агар соғлиги тўғри келмаса товон тўлашга мажбурлаяпти.

Шавкат Холиқов