Жиззах ҳокимининг хайдовчиси ғойиб бўлди

Жиззах ҳокимининг хайдовчиси ғойиб бўлди
186 views
23 September 2013 - 14:38

Жиззах шахрида дув дув гап: “Жиззах шахрининг хокими Асрор Қобиловнинг хайдовчиси Жасур бир хафтадан буён йўқмиш! Қидирувда эмиш!”

Шахар хокими автомобилининг “эгаси” сифатида, кимсан “мэр”нинг яқин одамларидан бири бўлган хос хайдовчининг ғойиб бўлиши, 180 минг ахолига эга бўлган шахар ахолиси ўртасида №1 шов-шувга айланди.

Jizzaxshaharhokimi

Жиззах шаҳар ҳокими Асрор Қобилов.
jizzax.uz сайтидан олинган расм

32 ёшли Жасур Аширқулов 2008 йилдан бери Жиззах шахар хокими Асрор Қобиловга хайдовчилик килади. Биз, хокимнинг хайдовчиси яшаган Оққўрғонлик махалласи Й. Салимов қўчасида яшовчи дўстларимизга сим қоқдик. Улар хақиқатда Жасурнинг Асрор Қобиловнинг автомобилини бошқарганини, ва бир хафтадан буён қидирувда эканлигини айтишди.

Уларнинг айтишича, Жасур Аширқулов Жиззах вилоят МХХ ходимлари томонидан шахар фуқароларининг биридан катта миқдорда пул олаётганида қўлга олинган. Хоким Асрор Қобиловнинг аралашуви билан у хибсда қолдирилмаган ва шахарни тарк этмаслик шарти билан очиқда қолдирилган. Ўша тунда Жасур ўз уйида тунаган ва тонгда ғойиб бўлган.

“Жасур нафақат шахар хокимининг хайдовчиси, балки хоким ва фуқаролар ўртасида воситачилик вазифасини хам бажарарди. Кимга ер керак, ким савдо дўкони очмоқчи, кимга уй керак, хаммаси Жасурни уйига келарди” дейди хокимнинг хайдовчиси яшаган Й. Салимов кўчасида истиқомат қилувчи бир фуқаро.

Хокимнинг хайдовчиси йўқолиб қолгани хақидаги хабар кундан кунга турли миш мишлар билан “тўлиб”, жиззахликлар орасида яшин тезлигида тарқалаяпти, лекин бирон бир расмий идора, одатдагидек, бу воқеа хақида ҳеч қанақа расмий шарх бергани йўқ.

Айни пайтда, жиззахликлар бўлиб ўтган воқеа тўғридан тўғри шахар хокими Асрор Қобиловга боғлик экани хақида гапиришиб, “Тез кунларда шахар хокими хам кетади” дейишяпти.

Баъзи жиззахликлар “Жасурни, бошқа ишлари очилиб кетишидан қўрққан хокимнинг ўзи қочириб юборган” деса, бошқалари “Эхтимол, Жасурни аллақачон гумдон қилишгандир?” деган вахимали тахминни айтишяпти.

Нафақат Жиззахда, балки республикада хам танилган тадбиркорлар сулоласи бўлган Қобиловлар инқирозининг бошланиши сифатида кўрилаётган бу воқеанинг тафсилотларини кузатиб борамиз.

 ЎХҲ махсус мухбири,
Жиззах