Коллеж талабаларидан турмуш қурмаслик ҳақида тилхат олинмоқда

Коллеж талабаларидан турмуш қурмаслик ҳақида тилхат олинмоқда
44 views
08 October 2013 - 14:53

Хоразм вилоятининг шимолида жойлашган Саноат Касб-Ҳунар коллежлари талабаларидан,   коллежни тугатмасдан,   уйланмаслик,   турмушга чиқмаслик ҳақида тилхат олинмоқда.   Бу хабарни бизга исми сир қолиши шарти билан коллеж талабаси жўнатди.

Коллеж талабаси бизга тилхат нусҳасини ҳам жўнатди. Тилхат қўлда ёзилган бўлиб ўқувчининг имзоси билан  тасдиқланган.

Тилхат мазмуни мана бундай:

tilxat “Мен …………………….   коллежни тугатмасдан уйланмайман (турмушга чиқмайман).   Агар уйлансам (турмушга чиқсам) коллеж маьмурияти томонидан ҳар қандай жазога розиман.  ”

Бу тилхат мазмунига кўра,талаба ёшлар ўқиш пайтида турмуш қуриши манъ қилинган.

Мансур (исми ўзгартирилган) исмли талабанинг айтишича бу тилхат талабалардан ўқишнинг илк кунларида олинган,   тилхатни талабаларга бириктирилган домлалар талабалардан мажбуран ёздириб олган.   Бу  тилхат  кейинчалик коллеж архивида сақланар ва ким бунга риоя қилмаса жазоланар экан.

Шу ҳолат,  фарзандларининг  турмуш қуришини истаган ота-оналар учун муаммолар келтириб чиқармоқда.   Масалан,   Гурлан туманининг коллеж талабаласи онасининг касаллиги боис, онаси фарзандининг тўйини кўриш учун ўқиш вақтида уйланган.   Тўйдан кейин талабага коллеж томонидан тазйиқлар бўлган, талабанинг ўқишига тўй салбий таъсир кўрсатган.   Бу ҳақда бизга тазйиқ остида қолган талаба хабар берди.

Бундай тилхат ва  тушунтириш хатлари Ўзбекистоннинг бошқа коллежларидан ҳам олинган,   масалан, Тошкент коллеж талабаларидан “Интернет тармоқларидаги беҳаё сайтларга кирмаслик” ҳақида тушунтириш хатлари олинган.

 

ЎХҲ ҳабар маркази